Formaður SI ræddi um íbúðamarkaðinn
Guðrún Hafsteinsdóttir, formaður SI, tók þátt í umræðum um íbúðamarkaðinn á flokkstjórnarfundi Samfylkingarinnar á laugardaginn í Icelandair Hótel Reykjavík Natura. Með Guðrúnu í pallborðsumræðum voru Henný Hinz, Heiða Björg Hilmisdóttir og Logi Einarsson.
Guðrún ræddi meðal annars um að upp á vantaði samræmi á milli sveitarfélaga og ríkis þegar horft væri til þess hvar þörf væri á frekari íbúðauppbyggingu. Þá nefndi hún að lóðaskortur á höfuðborgarsvæðinu stæði meðal annars í vegi fyrir frekari uppbyggingu.
Á Facebook síðu Samfylkingarinnar er hægt að nálgast fleiri myndir.
