Hönnunarverðlaun og málþing
Hönnunarverðlaun Íslands verða afhent á fimmtudaginn næstkomandi 9. nóvember í Iðnó kl. 20.30. Sama dag kl. 15.00-17.00 verður efnt til málþings um hönnun í ferðaþjónustu undir heitinu „Gætum við gert þetta svona?“ Málþinginu stýrir Fríða Björk Ingvarsdóttir, rektor LHÍ. Fluttir verða sjö örfyrirlestrar og að þeim loknum verða panelumræður. Í panelumræðunum verða eftirtaldir:
- Þórdís Kolbrún R. Gylfadóttir, ráðherra ferðamála, iðnaðar- og nýsköpunar
- Sigurður Hannesson, framkvæmdastjóri Samtaka iðnaðarins
- Helga Árnadóttir, framkvæmdastjóri Samtaka ferðaþjónustunnar
- Óskar Jósefsson, framkvæmdastjóri Stjórnstöðvar ferðamála
- Ragna Árnadóttir, aðstoðarforstjóri Landsvirkjunar
- Grímur Sæmundsen, forstjóri Bláa lónsins
Skráning á málþingið er hér.
Hönnunarverðlaun Íslands
Dómnefnd hefur valið eftirtalin fimm verk í forvali og hlýtur eitt þeirra Hönnunarverðlaun Íslands sem eru peningaverðlaun að verðmæti 1.000.000 króna:
- Einkenni listahátíðarinnar Cycle
- Marshall húsið
- Reitir Workshop and tools for collaboration
- Orlofshús BHM í Brekkuskógi
- Saxhóll
Einnig verða afhent verðlaun fyrir bestu fjárfestingu í hönnun og verður tilkynnt hvaða fyrirtæki hlýtur þá viðurkenningu á viðburðinum í Iðnó. Myndin er frá afhendingu verðlaunanna á síðasta ári.
Hönnunarmiðstöð Íslands stendur að verðlaununum, í samstarfi við Hönnunarsafn Íslands, Listaháskóla Íslands, Landsvirkjun, Samtök iðnaðarins og Samtök atvinnulífsins.