Kennarar geta sótt um Hvatningarverðlaun NKG
Fram til 5. maí geta kennarar sótt um VILJA – Hvatningarverðlaun NKG sem eru í boði Samtaka iðnaðarins en NKG stendur fyrir Nýsköpunarkeppni grunnskólanna. Á hverju ári hlýtur kennari/kennarateymi nafnbótina „Nýsköpunarkennari/ar grunnskólanna“ ásamt verðlaunum að fjárhæð 250 þúsund krónur. Tilgangurinn er meðal annars að hvetja kennara til dáða með viðurkenningu á framlagi þeirra til nýsköpunarkennslu. Bekkjar- og verkgreinakennarar sem kenna nýsköpunarmennt á miðstigi grunnskólans (5., 6. og 7. bekkur) eru sérstaklega hvattir til að taka þátt.
Á síðasta ári hlaut Álfheiður Ingólfsdóttir úr Sæmundarskóla verðlaunin og nafnbótina.
Hér er hægt að sækja um.