Meistarafélag iðnaðarmanna í Hafnarfirði fagnaði 50 ára afmæli
Meistarafélag iðnaðarmanna í Hafnarfirði, MIH, bauð til afmælishófs í tilefni af 50 ára afmæli félagsins síðastliðinn laugardag. Mikill fjöldi félagsmanna og maka mættu til hófsins ásamt stjórnarmönnum Samtaka iðnaðarins, bæjarfulltrúum og bæjarstjóra Hafnarfjarðar. Ágúst Pétursson, formaður MIH, bauð gesti velkomna og fór yfir farinn veg félagsins. Veislustjóri var Haraldur Þ. Ólason hjá Furu og ávörp fluttu Guðrún Hafsteinsdóttir, formaður SI, og Rósa Guðbjartsdóttir, bæjarfulltrúi. Karlakórinn Þrestir í Hafnarfirði söng fyrir gesti.