Mikill áhugi framleiðslufyrirtækja á stuðningi við nýsköpun
Samtök iðnaðarins stóðu fyrir tveimur fundum fyrir framleiðslufyrirtæki á Akureyri og í Reykjavík þar sem fjallað var um stuðning við nýsköpun. Góð mæting var á fundina þar sem farið var yfir helstu sjóði sem bjóða styrki sem henta framleiðslufyrirtækjum og í kjölfarið bauðst félagsmönnum SI að hitta sérfræðinga sem þekkja vel til styrkjakerfanna og gátu þeir fengið leiðbeiningar um hvaða sjóðir henta í hverju tilviki. Fyrri fundurinn var haldinn síðastliðinn mánudag í frumkvöðlasetrinu Verksmiðjunni í Glerárgötu á Akureyri og síðari fundurinn í gær í Húsi atvinnulífsins í Borgartúni. Fundarstjóri var Davíð Lúðvíksson, forstöðumaður stefnumótunar og nýsköpunar hjá SI. 
Hér fyrir neðan er hægt að nálgast glærur fundanna:
Kynning á Framleiðsluráði SI – Bryndís Skúladóttir, forstöðumaður framleiðslusviðs SI. framleidslurad_Akureyri-sept2017
Tækniþróunarsjóður og skattafsláttur vegna nýsköpunarverkefna – Auður Bergþórsdóttir, Rannís. Taeknithrounarsjodur_haust2017 Kynning_skattur
Átak til atvinnusköpunar – Sigurður Steingrímsson/Berglind Hallgrímsdóttir, Nýsköpunarmiðstöð Íslands. Atak-til-atvinnuskopunar
Uppbyggingarsjóður Norðurlands – Baldvin Valdemarsson. Uppb.sj.-kynning-haust-2017