Nær uppselt á Verk og vit
Sýningarsvæðið á stórsýningunni Verk og vit er nær uppselt nú þegar rétt um þrír mánuðir eru í sýninguna sem fram fer í Laugardalshöllinni en um 90 sýnendur eru þegar skráðir til leiks. Þetta er í fjórða sinn sem sýningin er haldin en hún er tileinkuð byggingariðnaði, skipulagsmálum, mannvirkjagerð og tengdum greinum. Sýningin fer fram dagana 8.-11. mars á næsta ári.
Framkvæmdaaðili sýningarinnar er AP almannatengsl en samstarfsaðilar eru atvinnuvega- og nýsköpunarráðuneytið, Samtök iðnaðarins, Reykjavíkurborg, BYKO og Landsbankinn.