Nýr formaður Hugverkaráðs SI
Tryggvi Hjaltason hjá CCP var kjörinn formaður Hugverkaráðs Samtaka iðnaðarins á ársfundi ráðsins í gær. Tryggvi, sem situr einnig í stjórn Samtaka upplýsingatæknifyrirtækja, hefur átt sæti í ýmsum starfshópum á vegum stjórnarráðsins undanfarin ár, meðal annars í starfshópi um framtíð Nýsköpunarsjóðs atvinnulífsins. Þá hefur Tryggvi rannsakað rekstrarumhverfi hugverkaiðnaðarins ítarlega undanfarin ár og gerði m.a. úttekt á umhverfinu í meistararitgerð sinni í samvinnu við marga af helstu frumkvöðlum landsins.
Auk Tryggva sitja eftirfarandi í Hugverkaráði SI:
- Pétur Már Halldórsson, Nox Medical
- Svana Helen Björnsdóttir, Stiki
- Frosti Ólafsson, ORF Líftækni
- María Bragadóttir, Alvogen
- Jóhann Þór Jónsson, Advania
- Valgerður Hrund Skúladóttir, Sensa
- Íris Ólafsdóttir, Kúla 3D
- Erlendur Steinn Guðnason, Spectaflow
- Hilmar Veigar Pétursson, CCP
- Margrét Júlíana Sigurðardóttir, Mussila
- Kristinn Þórðarson, Truenorth
- Lilja Ósk Snorradóttir, Pegasus