Ráðstefna um tækni og persónuvernd
Samtök upplýsingatæknifyrirtækja, SUT, í samstarfi við Samtök iðnaðarins standa fyrir morgunráðstefnu um tækni og persónuvernd fimmtudaginn 25. janúar á Hilton Nordica Reykjavík. Taktikal sér um framkvæmd ráðstefnunnar og masterclass sem boðið verður upp á í framhaldinu. Hér er hægt að skrá sig á ráðstefnuna.
Framundan eru miklar breytingar í tengslum við innleiðingu nýrrar persónuverndarlöggjafar og gegna fyrirtæki á sviði tækni og hugbúnaðar lykilhlutverki við þá innleiðingu. Á ráðstefnunni verður veitt einstök innsýn í hvernig innlend og erlend fyrirtæki hafa innleitt GDPR með breyttri menningu innan fyrirtækisins.
Tveir erlendir fyrirlesarar verða á ráðstefnunni, Ben Westwood kemur frá eBay í Bretlandi og Rebecca Turner frá Trainline. Fundarstjóri er Þorvarður Sveinsson, varaformaður SUT og framkvæmdastjóri fyrirtækja og þróunar hjá Vodafone.
Dagskrá
- 08.30-09.00 Morgunkaffi
- 09.00-09.20 Staða og áhrif GDPR á upplýsingatækni á Íslandi – Svana Helen Björnsdóttir, framkvæmdastjóri Stika
- Þverfaglegt verkefnateymi í GDPR – Bragi Fjalldal, forstöðumaður vöruþróunar hjá Meniga
- Innbyggð og sjálfgefin persónuvernd – Elfur Logadóttir, lögfræðingur
- Data mapping – On the Journey to Accountability – Rebecca Turner, Trainline.co.uk
- Reviewing Process, Procedure and Reporting for GDPR – Ben Westwood, eBay
Masterclass
Í framhaldi af ráðstefnunni er boðið upp á masterclass. Elfur Logadóttir verður með masterclass 25. janúar kl. 13-16, Ben Woodward verður 26. janúar kl. 9-12 og Rebecca Turner verður 26. janúar kl. 13-16. Nánar á vefsíðu ráðstefnunnar.