Samstarf atvinnulífs og háskólasamfélags til umræðu
Sigurður Hannesson, framkvæmdastjóri SI, átti í gærmorgun fund með rektor HÍ, Jóni Atla Benediktssyni, Guðbjörgu Lindu Rafnsdóttur, aðstoðarrektor vísinda og Sigurði M. Garðarssyni, forseta verkfræði- og náttúruvísindasviðs.
Á fundinum kynnti rektor stefnu HÍ 2016-2021, fjármögnun og árangur markvissrar uppbyggingar vísindastarfs sem hefur fært skólann ofar á alþjóðlegum listum. Rætt var um samstarf atvinnulífs og háskólasamfélagsins, meðal annars um nýsköpun, brú milli atvinnulífs og vísinda sem gjarnan er nefnd tækniyfirfærsla, hvernig fjölga mætti verk- og raungreinamenntuðu starfsfólki á vinnumarkaði og fræðslu til almennings um vísindi.
Á myndinni eru, talið frá vinstri: Sigurður M. Garðarsson, forseti verkfræði- og náttúruvísindasviðs, Sigurður Hannesson, framkvæmdastjóri SI, Jón Atli Benediktsson, rektor HÍ, og Guðbjörg Linda Rafnsdóttir, aðstoðarrektor vísinda.