Samtök iðnaðarins auglýsa eftir viðskiptastjórum
Samtök iðnaðarins auglýsa eftir þremur viðskiptastjórum. Leitað er að metnaðarfullum, kraftmiklum og skipulögðum einstaklingum til að taka þátt í öflugu starfi samtakanna. Viðskiptastjórar eru tengiliðir fyrirtækja og hópa Samtaka iðnaðarins og þurfa því að búa yfir jákvæðni og afar góðri hæfni í mannlegum samskiptum. Starfið og starfsumhverfið er fjölbreytt og lifandi og bíður upp á mikil tækifæri.
Á vef Capacent er hægt að sækja um. Umsóknarfrestur er til og með 27. ágúst næstkomandi.
Starfssvið
- Vinna að þróun og mótun starfsumhverfis fyrirtækja og aðildarfélaga.
- Móta áherslur í samvinnu við félagsmenn.
- Tengiliður fyrirtækja og starfsgreinahópa.
- Samskipti við hagsmunaaðila og opinbera aðila.
- Almenn umsýsla með málefnum og fundum, sem og þjónusta við félagsmenn.
- Ýmis önnur tilfallandi verkefni í samstarfi við aðra starfsmenn.
Menntunar- og hæfniskröfur
- Háskólamenntun sem nýtist í starfi.
- Þekking og skilningur á íslensku atvinnulífi.
- Færni í verkefnastjórnun og skipulögð vinnubrögð.
- Reynsla sem nýtist í starfi, s.s. af matvælaiðnaði, gæða-, umhverfis- eða orkumálum er kostur.
- Frumkvæði, sjálfstæði og lausnamiðað viðhorf.
- Sveigjanleiki, hæfni til að forgangsraða og sinna mörgum verkefnum í einu.
- Geta til að tjá sig í ræðu og riti á íslensku og ensku.