Um 250 spjaldtölvur til nemenda frá SART og RSÍ
Samtök rafverktaka, SART, og Rafiðnaðarsamband Íslands, RSÍ, afhenda nú í haust nemendum sem eru að hefja nám í raf- og rafeindavirkjun spjaldtölvur. Spjaldtölvurnar eru ætlaðar fyrir nemendur til að nota við námið. Um er að ræða um það bil 250 spjaldtölvur sem verða afhentar.
Myndirnar eru teknar við afhendingu á spjaldtölvunum til nemenda í rafiðnaði við Fjölbrautarskóla Suðurnesja og til nemenda í Fjölbrautaskóla Vesturlands á Akranesi. Við afhendinguna var kynnt ókeypis Rafbók sem er rafrænt bókasafn með öllum fagtengdu námsefni rafiðnaðarins auk þess sem rætt var um öryggismál og sýnt stutt myndband um hættumörk rafstraums.
Nemendur í Fjölbrautarskóla Suðurnesja.
Nemendur í Fjölbrautarskóla Vesturlands á Akranesi.