Um 500 aðilar frá 22 löndum taka þátt í sjávarútvegssýningunni

13 sep. 17 Almennar fréttir Framleiðsla

Íslenska sjávarútvegssýningin, IceFish, hefst í dag í sýningarsölum Smárans og Fífunnar í Kópavogi. Samtök iðnaðarins eru meðal stuðningsaðila sýningarinnar. Fjölmörg aðildarfyrirtæki innan SI eru þátttakendur á sýningunni sem lýkur 15. september. 

Á sýningunni má sjá allt það nýjasta í iðngreininni þar sem sjávarútvegsfyrirtæki og fyrirtæki sem stunda tengd viðskipti sýna nýjar og framsæknar vörur og þjónustu, allt frá hönnun og smíði skipa til staðsetningar og veiða, vinnslu og pökkunar, markaðssetningar og dreifingar fullunninna afurða.

Um 500 fyrirtæki, vörur og vörumerki frá 22 löndum eru á sýningunni. Sýnendur koma meðal annars frá Danmörku, Noregi, Færeyjum, Spáni, Tyrklandi, Þýskalandi, Perú og Singapúr.

Fleiri fréttir