Gæðahandbók	Dags.	02/02/03
		Bls.	1/1
		Höf.	Stjórn
		Samþ.	Stjórn
		Útgáfa.	1
Skjal	Kynning á félaginu	Nr. 000-S
Árið 1943 komu saman tólf konur sem allar voru félagar í Félagi kjólaverslana og ráku saumastofur. Þær höfðu lokað stofum sínum vegna verðlagshafta og skömmtunarákvæða, því að saumalaun dugðu ekki til framfæris. Yfirvöld höfðu dæmt þær í háar fjársektir og neytt þær til að opna stofur sínar aftur. Þessar konur ákváðu að bindast samtökum og stofnuðu þær félag kjólameistara í Reykjavík sem skyldi vinna að því að kjólasaumur yrði viðurkennd og lögvernduð iðngrein. Árið 1951 var ákveðið að félagið gengi í Landssamband iðnaðarmanna en á þessum tíma voru skóla og réttindamál í brennidepli. Árið 1964 varð félagið síðan landsfélag. Það barðist ávallt fyrir því að koma fatasaumi inn í Iðnskólann og Fataiðndeild Iðnskólans í Reykjavík tók til starfa haustið 1977. Félagið heitir nú: Félag meistara og sveina í fataiðn, skammstafað F.M.S.F. og er opið meisturum og sveinum í kjólasaumi, klæðskurði og kvennaklæðskurði.