Gæðahandbók	Dags.	28/01/03
			Bls.	1/1
			Höf.	Stjórn
			Samþ.	Stjórn
			Útgáfa.	1
Skjal		Lög félagsins	Nr. 400-S
	LÖG FÉLAGS MEISTARA OG SVEINA Í FATAIÐN Kt: 650572-0769 1. kafli Heiti og tilgangur félagsins. 1. gr. Félagið heitir: Félag meistara og sveina í fataiðn, kt. 650572-0769. Félagið er landsfélag. Heimili þess og varnarþing er í Reykjavík. Félagið er aðili að Samtökum iðnaðarins og Samtökum atvinnulífsins fyrir hönd þeirra atvinnurekenda innan félagsins sem uppfylla skilyrði þessara samtaka um aðild. 2. gr. Tilgangur félagsins er: a) að efla samvinnu félagsmanna b) stuðla að menntun í starfsgreinum innan félagsins c) stuðla að því að félagsmenn taki virkan þátt í að efla iðnina d) að vera málsvari félagsmanna gagnvart almenningi og hinu opinbera. 3. gr. a) óheimilt er að gefa út skrá um lámarksverð. b) Um merki félgasins: Merki félagsins er fingurbjörg á efnisbút, í gegnum efnisbútinn gengur þrædd nál, í fingurbjörginni er skammstöfun félagsins FMSF. Nafn félagsins skal nota með merkinu sé þess kostur. Merkið er einungis til notkunnar fyrir félagið sjálft og fullgilda félagsmenn. Merkið er ekki framleiðslumerki. Það má nota sem auðkenni: á fyrirtæki félagsmann og á umbúðir sem þeir nota, á bréfsefni og annarskonar eyðublöð, í auglýsingar 2. kafli Ákvæði um inngöngu nýrra félaga og úrsögn úr félaginu. 4. gr. Inngöngu í félagið geta þeir einir fengið sem hafa meistara- eða sveinsbréf í iðninni samkvæmt iðnlöggjöfinni og sent hafa skriflega inntökubeini til félagsstjórnar ásamt eftirfarandi upplýsingum: a) nafn og kennitölu, b) staðfest afrit af meistarabréfi eða sveinsbréfi c) mynd af umsækjanda d) inntökugjald Þegar inntökubeiðni hefur verið samþykkt á lögmætum stjórnarfundi er umsækjandi lögmætur félagsmaður með fullum réttindum. Æski umsækjandi sem lært hefur erlendis inngöngu í félagið, skal hann leggja fram pappíra frá viðurkenndum fagskóla með sambærileg réttindi við sveinsbréf eða meistarabréf . “Nemendur í fataiðndeild Iðnskólans fá auka aðild að félaginu eftir að hafa lokið 5. önn skólans. Þeir ganga sjálfkrafa inn í félagið endurgjaldslaust sem auka aðilar án réttinda. Eftir 2 ára setu sem aukaaðili verða þeir að staðfesta inntöku í félagið með sömu skilmálum og 1. liður í 4. gr.kveður á um” 5. gr. Úrsögn skal sendast formanni í ábyrgðarbréfi. Viðkomandi þarf að vera með öllu skuldlaus við félagið. Þó getur enginn sagt sig úr félaginu meðan á verkfalli eða verkbanni stendur. 3. kafli Um stjórn félagsins og störf hennar. 6. gr. Stjórnina skipa sjö menn kosnir á aðalfundi til eins árs í senn. Formaður, varaformaður, ritari, gjaldkeri og þrír meðstjórnendur. Aldrei skulu fleiri en þrír ganga úr stjórn samtímis. Enginn skal þó sitja í sama embætti lengur en 5 ár. Ávallt skulu fjórir stjórnarmenn vera með meistararéttindi, þar af bæði formaður og varaformaður. Formaður er forseti stjórnar og hefur eftirlit með því að stjórnendur ræki skyldur sínar. Hann kemur fram fyrir félagsins hönd á opinberum vettvangi og undirritar öll bréf ásamt ritara eða öðrum stjórnarmanni. Stjórninni er skylt að sjá um að lög félagsins, samþykktir og samningar séu haldnir í öllum greinum. Formaður kallar saman stjórnarfundi og stýrir þeim. Stjórninni er skylt að varðveita öll bréf, send og móttekin svo og önnur skilríki er varða félagið og störf þess. Varaformaður starfar að öllu sem formaður í forföllum hans og aðstoðar stjórnina í störfum hennar. 7. gr. Fulltrúi Iðnráðs, prófnefnd og fræðslunefnd eru tilnefnd af stjórn félagsins eftir beiðni viðkomandi aðila. (Iðnráðs, Iðnfræðsluráðs o.s.frv.) 8. gr. Ritari heldur gerðabók félagsins og færir í hana stutta og greinilega skýrslu um það sem fram fer á fundum félagsins og undirritar hana ásamt formanni. Hann sér og um bréfaskriftir fyrir stjórnina ásamt formanni. Ritari heldur félagaskrá. 9. gr. Gjaldkeri innheimtir öll gjöld félagsins og kvittar fyrir. Hann gerir glögga reikninga yfir tekjur og gjöld og ávaxtar sjóði þess í þeim lánastofnunum sem stjórnin samþykkir. Eigi má hann greiða fé úr félagssjóði nema með samþykki stjórnar. 10. gr. Inntökugjald og árstillag ákveðist á aðalfundi. Reynt skal að fylgja verðlagi. Nýjir félagar greiða árstillag fyrir það ár sem er að líða þegar þeir ganga í félagið. Hafi félagsmaður ekki greitt félagsgjald á aðalfundi fyrir árið á undan missir hann atkvæðarétt. Skuldi félagsmaður tvö árgjöld eða meira missir hann félagsréttindin. Reikningsárið skal vera almanaksárið. Óski sá er misst hefur félagsréttindin að fá þau aftur skal hann gera upp skuld sína og greiða hálft inntökugjald. 11. gr. Formaður, heiðursfélagar og þeir sem náð hafa 70 ára aldri skulu vera gjaldfrjálsir. Þeir eru samt sem áður fullgildir félagsmenn með full réttindi. 4. kafli Fundir. 12. gr. Lögmætir félagsfundir hafa æðsta vald í öllum málefnum félagsins, innan þeirra takmarka sem lögin setja. Meirihluti atkvæða ræður úrslitum allra mála, nema öðruvísi sé ákveðið í lögum þessum eða fundarsköpum. Félagsfundi skal halda þegar tilefni þykir til, eða a.m.k. tvisvar á ári. Stjórninni er skylt að kalla saman fund ef þrír fullgildir félagsmenn æskja þess skriflega, enda sé tilgreint fundarefni. 13. gr. Fundir eru lögmætir ef þeir eru boðaðir með fjögurra daga fyrirvara. Dagskrá fundar skal senda í fundarboði. 14. gr. Aðalfundur skal haldinn í febrúar eða mars ár hvert og skal boða hann skriflega með sjö daga fyrirvara. Reikningar félagsins skulu endurskoðaðir og liggja frammi viku fyrir aðalfund. Aðalfundur er löglegur ef löglega er til hans boðað og minnst 1/5 félagsmanna er mættur. Nú er aðalfundur ekki löglegur og skal þá boða til hans á ný og er hann þá löglegur án tillits til fundarsóknar. Verkefni aðalfundar eru þessi: 1. Skýrsla stjórnar. 2. Reikningar félagsins. 3. Félagsgjöld og inntökugjöld ákveðin. 4. Lagabreytingar ef fyrir liggja. 5. Skýrslur nefnda. 6. Kosningar: Stjórn, endurskoðenda og annan til vara, verðlagsnefnd, tískussýningar- og skemmtinefnd, réttinda og endurmenntunarnefnd. 7. Önnur mál ef fyrir liggja. 5. kafli Um lagabreytingar og félagsslit 15. gr. Lögum félagsins verður ekki breytt nema á aðalfundi og skal hafa tvær umræður um lagabreytingar. 16. gr. Félaginu verður ekki slitið nema að minnsta kosti ¾ hlutar allra félagsmanna samþykki það. Verði samþykkt að slíta félaginu, skal kjósa fimm manna nefnd til þess að gera tillögur um ráðstafanir á eigum þess. 17. gr. Lög þess öðlast gildi á hátíðafundi haustið 1983 og eru bindandi fyrir alla félagsmenn, ásamt þeim breytingum sem kunna að verða gerðar á þeim á löglegan hátt.