Gæðahandbók

Dags.

21/01/03

Bls.

1/1

Höf.

Stjórn

Samþ.

Stjórn

Útgáfa.

1

Eyðublað

Framkvæmdaáætlun LABAK fyrir starfsárið 2003-2004

Nr. 590-S

Í mars og apríl ætlar stjórnin að koma starfseminni í eins konar gæðakerfi. Verksvið stjórnarinnar og verkaskipting innan hennar verður skilgreind. Verksvið nefnda og starfshópa, svo og annarra sem starfa á vegum félagsins verður skilgreint. Niðurstöðurnar verða birtar á vef félagsins www.si.is/labak. Helstu atriði fundargerða stjórnarinnar verður birt á vefnum ekki seinna en tveimur vikum eftir fund. Framkvæmdaáætlun verður birt á vefnum og breytingar færðar inn jafnóðum og þær eru ákveðnar. Stefnt er að því að birta reglulega fréttpistla á vefnum og eru félagsmenn eindregið hvattir til að senda fréttir. Fréttabréfið verður eftir sem áður gefið út tvisvar á ári.

Félagið stefnir að því að leggja sitt af mörkum til að efla faglegan metnað í fagkeppnum í samstarfi við Bakaraskólann, önnur félög, fyrirtæki og einstaklinga.

Nýtt bréfsefni verður prentað á árinu.

Vöruþróun

Stefnt er að því að fá birgja til samstarfs um að þróa 2-3 vörutegundir á árinu (brauð eða kökur) sem kynnt verður á sama tíma í öllum bakaríum LABAK.

Sulta bakarans verður þróuð í samvinnu við Kjarnavörur og á hún að koma á markað í byrjun september. Hafin verður vinna við þróun á Ís bakarans, í samvinnu við Bakó, og stefnt að því að koma honum á markað fyrir jól.

Markaðsstarf

23. febrúar 2003.	Kaka ársins kynnt í bakaríum. Veggspjaldi dreift til félagsmanna viku áður. Auglýsingar í útvarpi á laugardag og sunnudag.
12. apríl 2003.	Kaffi bakarans kemur á markað. Veggspjaldi dreift til félagsmanna viku áður.
Vor 2003	Útvarpsauglýsing til að minna á brauð með grillmatnum. Byrja að auglýsa fyrstu góðviðrishelgina.
5.-14. september.	Markaðsátak um berjabökur og kökur auglýst í útvarpi. Veggspjaldi dreift til félagsmanna viku áður en átakið hefst. Sulta bakarans kemur á markað.
Desember 2003.	Jólaauglýsingar í útvarpi Veggspjaldi með kransakökum dreift til félagsmanna Ís bakarans kemur á markað.
Janúar 2004.	Keppnin um Köku ársins 2004. Útbúið veggspjald fyrir konudaginn.

Jafnframt þessum tímasettu viðburðum verður unnið að gerð ímyndarauglýsingar til að birta af og til í sjónvarpi og útvarpi, jafnvel í tengslum við sum eða öll tímasettu átökin.

Önnur starfsemi verður með hefðbundnum hætti.