Gæðahandbók	Dags.	14/01/03
			Bls.	1/1
			Höf.	Stjórn
			Samþ.	Stjórn
			Útgáfa.	1
Skjal		Lög félagsins	Nr. 400-S
	1. Heiti og heimili 2. Tilgangur 3. Aðild og skilyrði aðildar 4. Umsókn um aðild 5. Úrsögn eða brottvikning 6. Aðalfundur 7. Félagsfundir 8. Stjórn og stjórnarkjör 9. Verkefni stjórnar 10. Ársreikningar 11. Félagsgjöld 12. Kjarasamningar og vinnudeilur 13. Heiðranir 14. Lagabreytingar 15. Félagsslit 16. Gildistaka 17. Bráðabirgðaákvæði 1. Heiti og heimili Heiti félagsins er: Meistarafélag í hárgreiðslu og er skammstafað MFH. Heimili þess og varnarþing er í Reykjavík. Félagið er landsfélag. 2. Tilgangur Tilgangur félagsins er að: - Efla samvinnu og samheldni meðal meistara í hársnyrtiiðn. - Eiga samstarf við hliðstæð samtök erlendis - Leggja áherslu á að menntun starfsfólks og stjórnenda í greininni sé eins góð og kostur er og að hún stuðli að eðlilegri þróun og falli að þörfum greinarinnar. - Stuðla að félagslegum og faglegum framförum í greininni með upplýsinga- og fræðslustarfsemi, sýningum og keppni. Framlög úr félagssjóði til keppni og sýninga mega þó ekki fara fram úr 7% af álögðum félagsgjöldum. - Vera í forsvari fyrir félaga sína gagnvart launþegum og vinna með öðrum samtökum atvinnurekenda að kjarasamningagerð. - Vera málsvari félagsmanna út á við og varðandi mál sem varða hagsmuni þeirra og opinbera umfjöllun. 3. Aðild og skilyrði aðildar Aðilar að MFH geta þeir einir orðið, sem hafa meistarabréf í hársnyrtiiðn (meistarar í hárgreiðslu og hárskurði) og eru sjálfstætt starfandi. MFH er aðili að Samtökum iðnaðarins og Samtökum atvinnulífsins fyrir hönd félagsmanna sinna. Þeir einyrkjar innan MFH sem ekki vilja greiða iðgjöld til SI eða SA skulu falla út af félagaskrá SI eða SA og njóta þar af leiðandi ekki þjónustu samtakanna. Einyrkjar þessir geta þó áfram verið félagar í MFH. Aðrir atvinnurekendur innan félagsins eiga fulla aðild að SI og SA og greiða félagsgjöld til þeirra. 4. Umsókn um aðild Inntökubeiðni í MFH skal vera skrifleg og sendast skrifstofu félagsins á þar til gerðu eyðublaði. Með inntökubeiðni skulu fylgja afrit gagna sem sýna að umsækjandi fullnægir skilyrðum 3. gr. Inntökubeiðni telst samþykkt ef meirihluti stjórnar samþykkir hana og tekur aðild þá þegar gildi. Áfrýja má til aðalfundar afgreiðslu stjórnar á inntökubeiðni. 5. Úrsögn eða brottvikning Úrsögn úr MFH skal vera skrifleg og sendast stjórn. Úrsögn skal miðast við áramót og tilkynnt með minnst sex mánaða fyrirvara, enda sé viðkomandi skuldlaus við MFH. Brjóti félagi lög MFH, reglur eða fundarsamþykktir er stjórn MFH heimilt að víkja viðkomandi úr félaginu. Áfrýja má brottvikningu til aðalfundar. 6. Aðalfundur Aðalfund skal halda eigi síðar en 30. apríl ár hvert og skal boða til hans með minnst tveggja vikna fyrirvara með bréfi, símbréfi eða á annan sannanlegan og tryggilegan hátt. Aðalfundur hefur æðsta vald í öllum málefnum MFH. Aðalfundur er lögmætur ef löglega hefur verið til hans boðað án tillits til fundarsóknar nema öðruvísi sé ákveðið í lögum þessum. Atkvæðagreiðsla skal vera skrifleg ef 1/5 hluti fundarmanna krefst þess. Einfaldur meirihluti atkvæða ræður úrslitum í öllum málum, nema öðruvísi sé ákveðið í lögum þessum. Á dagskrá aðalfundar skulu þessi mál tekin fyrir: 1. Skýrsla stjórnar fyrir liðið starfsár. 2. Gjaldkeri leggur fram til úrskurðar endurskoðaða ársreikninga MFH fyrir liðið almanaksár, með athugasemdum endurskoðanda. 3. Lagabreytingar enda hafi þær verið kynntar í fundarboði 4. Kosning í stjórn og aðrar trúnaðarstöður 5. Kjör löggilts endurskoðanda 6. Ákvörðun félagsgjalds 7. Önnur mál 7. Félagsfundir Lögmætir félagsfundir hafa æðsta vald milli aðalfunda í öllum málefnum MFH innan þeirra þarka sem lög þessi setja. Fundur er lögmætur ef löglega er til hans boðað án tillits til fundarsóknar. Félagsfundi skal halda, þegar stjórn MFH þykir þurfa eða ef félagsmenn sem fara með minnst 1/5 hluta atkvæða óska þess. Ósk um félagsfund skal senda stjórn MFH og ber henni þá að boða til félagsfundar með tryggilegum hætti án tafar en þó með minnst þriggja daga fyrirvara, nema sérstaklega standi á. Í fundarboði skal stuttlega getið þeirra mála sem taka skal fyrir á fundinum. Hverjum fundi stýrir formaður eða kjörinn fundarstjóri. Hann skal kynna sér í fundarbyrjun hvort löglega er til fundarins boðað og úrskurða þar um. Hann velur fundarritara úr hópi fundarmanna. Fundarstjóri skal stjórna atkvæðagreiðslu og annarri málsmeðferð. Atkvæðagreiðsla skal vera skrifleg ef 1/5 hluti atkvæðisbærra fundarmanna krefst þess. Einfaldur meirihluti ræður úrslitum í öllum málum öðrum en þeim sem lög þessi kveða á um. Í fundargerðum skulu koma fram allar samþykktir félagsfunda og stutt skýsla um annað það sem gerist á félagsfundum. Fundargerð skal undirrituð af fundarstjóra og fundarritara og telst hún, að þessum formsatriðum uppfylltum, fullt sönnunargagn þess sem fram fór á fundinum. 8. Stjórn og stjórnarkjör Stjórn MFH skipa sex menn, formaður, gjaldkeri, ritari og þrír meðstjórnendur. Formaður, gjaldkeri, ritari og meðstjórnendur eru kosnir til tveggja ára í senn. Á fyrsta aðalfundi félagsins skal kjósa formann, gjaldkera og ritara til tveggja ára en meðstjórnendur til eins árs. 9. Verkefni stjórnar Formaður og fimm meðstjórnendur fara með yfirstjórn MFH milli félagsfunda. Stjórnin heldur fundi þegar formanni þykir þurfa en honum er þó skylt að boða til fundar ef tveir meðstjórnendur óska þess. Stjórnarfundi skal boða með þeim fyrirvara sem formanni þykir hæfilegur og með tryggilegum hætti. Stjórnarfundur er lögmætur ef hann sækja auk formanns minnst þrír meðstjórnendur, eða fjórir meðstjórnendur án formanns. Ákvarðanir stjórnarfunda skal skrá í fundargerðir og skulu þær undirritaðar. Alla samninga og skuldbindingar, sem stjórnin gerir fyrir hönd félagsins samkvæmt lögum þessum og ákvörðunum félagsfunda, eru bindandi fyrir alla félaga, þótt málefnið hafi ekki verið undir þá borið. Allar samþykktir félagsfunda skal kynna félagsmönnum svo fljótt sem verða má. Samningar sem skuldbinda félagið eða fela í sér mikilvæga ráðstöfun eigna þess, skulu undirritaðar af formanni eða varaformanni og þrem öðrum stjórnarmönnum. 10 Ársreikningur Fyrir lok mars ár hvert skal gjaldkeri MFH hafa lokið við gerð ársreiknings fyrir liðið almanaksár og sent hann endurskoðanda félagsins. Hann skal hafa sent stjórninni reikninginn með athugasemdum sínum innan fjórtán daga. 11 Félagsgjöld Félagsgjöld skulu ákveðin á aðalfundi ár hvert. Félagsgjöld skulu innheimt fjórum sinnum á ári og eru gjalddagar 1. janúar, 1.apríl, 1. júlí og 1. október. Stjórn MFH er heimilt að semja við Samtök iðnaðarins um að þau annist rekstur innheimtu félagsgjalda og bókhald fyrir félagið. 12 Kjarasamningar og vinnudeilur Við inngöngu í MFH fela félagar Samtökunum iðnaðarins að gæta hagsmuna sinna gagnvart hlutaðeigarndi launþegasamtökum. Félagsmönnum ber því að vísa öllum ágreiningi um kjaramál og framkvæmd kjarasamninga til stjórnar SI. Félagið er aðili að Samtökum atvinnulífsins og er það sem heild og einstakir félagar þess háðir lögum og fyrirmælum SA. Þannig gilda ákvæði 13. og 14. kafla laga SA um vinnudeilur, samninga og vinnustöðvanir fyrir félaga MFH. 13. Heiðranir Aðalfundur tekur ákvörðun um kjör heiðursfélaga MFH, að fenginni tillögu stjórnar fyrir framúrskarandi störf í þágu greinarinnar. Aðrar viðurkenningar ákveður stjórn MFH 14. Lagabreytingar Breytingar á lögum þessum má aðeins gera á lögmætum aðalfundi, enda hafi þess verið getið í fundarboði og skal meginefni breytinganna kynnt í fundarboði. Til samþykktar lagabreytinga þarf minnst 2/3 hluta allra greiddra atkvæða á fundinum. Tillögur um lagabreytingar sem lagðar eru fyrir aðalfund en hafa ekki verið kynntar í fundarboði þurfa samþykki 4/5 hluta allra greiddra atkvæða á fundinum til að öðlast lagagildi. 15 Félagsslit. Tillögu um slit á MFH eða samruna við önnur samtök eða félög skal fara með á sama hátt og lagabreytingar, að öðru leyti en því að ¾ hluta atkvæða þarf til að samþykkja slit á félaginu eða samruna þess við önnur félög. Slíka tillögu má ekki taka til afgreiðslu nema hún hafi verið kynnt í fundarboði. Fundur sem samþykkir slit MFH eða samruna þeirra við önnur samtök á löglegan hátt skal einnig ákveða hvernig ráðstafa skal eignum þeirra og greiðslu skulda. 16. Gildistaka Lög þessi öðlast þegar gildi. 18. Bráðabirgðaákvæði Félagsmenn Hárgreiðslumeistarafélags Íslands og Meistarafélags hárskera, verða sjálfkrafa aðilar að Meistarafélagi í hárgreiðslu, nema þeir afþakki aðild innan þriggja mánaða frá stofnfundi, enda hafi allir félagsmenn félaganna fengið sendar upplýsingar um stofnun nýs félags. Reykjavík 2. mars 1999 Þannig samþykkt á stofnfundi Meistarafélags í hárgreiðslu, þriðjudaginn 2. mars 1999 kl. 20:00