LEIÐBEININGAR, TÆKI OG TÓL FYRIR STJÓRNUN OG REKSTUR
Efnisyfirlit farsælast er að nota vefskoðarann „internet explorer“ til að skoða sumt af efninu.
Nr.	Heiti efnis	Innihaldslýsing
	Hljóðglærur um framleiðslu- og byggingarstjórnun
17	Breytingar, aukaverk, viðbótarverk og frábrigði - Hljóðglæra	Mikilvægt er að allir sem koma að verklegum framkvæmdum leggi sama skilning í mikilvæg hugtök sem varða samskipi og uppgjör milli verkkaup, verktaka og undirverktaka. Með þessari hljóðglæru er reynt að útskýra hugtökin breytingar, aukaverk, viðbótarverk og frábrigði eins og þau eru skilgreind í IST-30 og gæðakerfi Samtaka iðnaðarins.
16	Hvað er gæðastjórnun? - Hljóðglæra	Á þessari hljóðglæru er reynt að útskýra með einföldum hætti helstu hugtök gæðastjórnunar við verklegar framkvæmdir. Fjallað er um hugtökin gæðastjórnun, gæðastjórnunarkerfi, gæðatrygging, gæðastýring og stjórnunarlegir verkferlar frá sjónhori verktakans.
15	Sagan um verktakann sem gleymdi að skrifa reikninginn! - Hljóðglæra	Í þessari hljóðglæru er fjallað um hvaða fjárhagslegar afleiðingar það hefur það að gleyma að rukka fyrir unnin tíma og notkun á hráefni, hvort heldur það er hluti af tilteknu verki eða vegna aukaverka og breytinga? Er það hugsanlega meira en þú hefur gert þér grein fyrir eða viljað viðurkenna!
14	Gerð hættumats, áhættugreiningar og öryggis- og heilbrigðisáætlunar. - Hljóðglæra T01-1 Fyrri hluti - Hljóðglæra T01-2 Seinni hluti	Í hljóðglæru T01-1 er fjallað um verklagsreglu um gerð hættumats, áhættugreiningar og gerð öryggis- og heilbrigðisáætlunar. Í verklagsreglunni er lýst hvað þarf að gera til að framkvæma slíkt mat. Í hljóðglæru T01-2 er hinsvegar sýnt dæmi frá tilteknu verki þar sem hættumat og áhættugreining hefur verið framkvæmd.
13	Saga gæðastjórnunar við mannvirkjagerð á Íslandi - Hljóðglæra A02	Í þessari hljóðglæru er farið á léttum nótum yfir sögu gæðastjórnunar við mannvirkjagerð á Íslandi. Það er auðsjáanlegt að margir hafa á þessum árum haft trú á aðferðafræði gæðastjórnunar og talið að hún ætti brýnt erindi sem verkfæri við byggingu og rekstur mannvirkja. Þessir aðilar hafa líklega ekki haft erindi sem erfiði með málflutningi sínum og framlagi til málstaðarins þar sem árangurinn hefur sannarlega látið á sér standa.
12	Skipurit og starfslýsingar - Hljóðglæra C01	Þessi hljóðglæra fjallar um gerð og notkun skipurita og starfslýsinga í fyrirtækjum sem starfa í mannvirkjagerð. Skipurit og starfslýsingar er grunnstoðir góðrar stjórnunar.
11	Gæðastýring við verklegar framkvæmdir - Hljóðglæra H03-1 - Hljóðglæra H03-2 - Hljóðglæra H03-3	Hér eru hljóðglærur sem fjalla um “eigið innra eftirlit“ sem er ein megin krafan varðandi ákvæði um gæðastjórnun nýrri byggingarreglugerð. Frá og með næstu áramótum eiga iðnmeistarar, byggingarstjóri og hönnuðir að hafa komið sé upp slíku eftirliti. Í hljóðglærunum er hugtakið gæðastýring og gæðastýringaráætlun notað í stað hugtaksins eigið innra eftirlit Í hljóðglæru H03-3 er sýnt hvernig staðið er að rýni hönnunargagna, hvernig gátlistar eru notaðir við innra eftirlit og gerð gæðastýringaráætlunar. Kynningin er byggð á raunverulegum forsendum.
10	CE merkingar á byggingarvörum - Hljóðglæra J01	Útskýring á tilgangi CE merkinga á byggingarvörum út frá hagsmunum eiganda mannvirkis, iðnmeistara og verktaka. Sýnd dæmi um samræmis- og eiginleikalýsingu framleiðanda sem skapar forsendur fyrir þessa aðila að standa undir ábyrgð við val á byggingarvörum.
9	Gæðahandbók fyrirtækis byggð á gæðakerfi Samtaka iðnaðarins - Hljóðglæra D02	Kynning á gæðakerfi sem Samtök iðnaðarins hafa útbúið til aðstoðar við félagsmenn sína til að byggja upp eigin gæðahandbók. Sýnt er hvernig félagsmenn geta notið aðstoðar SI við uppbyggingu á eigin gæðahandbók og skráarvistun ínn í kerfinum. Kerfið uppfyllir þarfir allra hvort sem þeir ætla að fullnægja kröfum mannvirkjalaga, opinberra verkkaupa eða staðalsins ISO 9001:2008
8	Skjala- og skráarvistun - Hljóðglæra D03	Hljóðglæran er leiðbeining um skjala- og skráarvistun sem er ein forsenda ábyrgs rekstrar enda sett í lög, kröfur um slíkt hvað varðar iðnmeistara, hönnuði og byggingarstjóra í nýjum lögum um mannvirki. Helstu hugtök eru útskýrð og sýnt dæmi um skjala- og skráarvistun í gæðakerfi SI.
7	Hlutverk og ábyrgð eiganda og byggingarstjóra samkvæmt lögum um mannvirki - Hljóðglæra G02	Lýsing á hlutverki byggingarstjóra ásamt ábyrgð eiganda mannvirkis samkvæmt nýjum lögum um mannvirki. Dæmi um samninga byggingastjóra og eiganda ásamt samningum milli byggingastjóra og iðnmeistara.
	Leiðbeiningar og handbækur
6	Svona má byrja að byggja upp gæðastjórnun	Innleiðing nýrra aðferða við rekstur og stjórnun geta bæði verið tímakerfjandi og kostnaðarsamar. Það getur farið illa ef skynsemi og tengsl við núverandi rekstur og framleiðslustjórnun eru ekki til staðar. Ef haft er að markmiði að nýjar aðferðir eigi að bæta framleiðsluna og auka hagræðingu verður ekki skotið langt yfir markið. Hér eru ágætar leiðbeingar um hvað er vert að hafa í huga þegar fyrirtæki leggja í þá vegferð að tileinka sér aðferðafræði gæðastjórnunar.
5	Sjálfsmat og kennslubók um stjórnun og rekstur	Bækurnar „Hvar stöndum við?“ og „ Hvernig gera má betur“ eru til leiðbeininga fyrir þá sem hyggjast nýta sér áfangavottun SI. Báðum bókunum er skipt niður í fjóra kafla út frá áfangavottunum SI, D-C-B og A. Bókin „Hvar stöndum við?“ er ætluð til að lesandinn geti borið saman kröfurnar á sérhverju vottunarstigi saman við eigin aðferðir við rekstur og stjórnun. Bókin „Hvernig gera má betur!“ er hinsvegar til leiðbeininga um ásættanleg og viðurkennd vinnubrögð við stjórnun og rekstur. Til þess að komast inn á svæðið þarf notendanafn og lykilorð sem má nálgast með því að senda tölvupóst á ferdinand@si.is
4	Greinar um gæðastjórnun	Ýmsar greinar, ritgerðir og verkefni um gæðastjórnun. Hér er að finna efni eftir ýmsa höfunda og greinar eftir starfsmenn SI sem hafa birst áður í Íslenskum iðnaði og á vefsetri SI.
	Tölvukennsla og leiðbeiningar
3	Tölvukennsla	Stuttar hljóðglærur með leiðbeiningum í word og excel. Þessi hluti er eingöngu ætlaður félagsmönnum Samtaka iðnaðarins. Til þess að komast inn á svæðið þarf notendanafn og lykilorð sem má nálgast með því að senda tölvupóst á ferdinand@si.is Inni á síðunni er skráningarform fyrir þá sem vilja koma áleiðis óskum um fleiri leiðbeiningar.
2	Tíma- og verkskráningarkerfi með innslagi fyrir tímafjölda Tíma- og verkskráningarkerfi með innskráningu fyrir klukkuslag	Hér er rafrænt tíma- og verkskráningarkerfi í sinni einföldustu mynd, byggt upp með googledrive. Þetta form gæti hentað einyrkjum og minni fyrirtækjum. Hægt er að velja hvort menn vilja láta starfsmann skrá tímafjölda eða klukkuslag. Niðurstaða tíma- og verkskráninganna kemur síðan fram í excel skjali þar sem hægt er að flokka og reikna að vild. Prófið að skrá inn í kerfið og skoða síðan niðurstöðuna. Googledrive er frítt, þannig að sérhvert fyrirtæki getur með lítilli fyrirhöfn og aðstoð SI ef þarf, nýtt sér þetta kerfi, bætt við það eða aðlagað að eigin óskum.
1	Kostnaðarlíkanið TAXTI	Upplýsingar og ítarlegar leiðbeiningar um forritið TAXTI III sem er notað til að reikna útselda vinnu á starfsmönnum og vélum sem byggir á eigin kostnaði. TAXTI er einfalt en öflugt kostnaðarlíkan sem félagsmenn geta fengið frítt hjá ferdinand@si.is en aðrir keypt hjá IÐNÚ