Íbúðamarkaðurinn

Samtök iðnaðarins hafa undanfarna mánuði lagt fram fjölmargar greiningar og gögn til umræðunnar um íbúðamarkaðinn á Íslandi. 

Samtök iðnaðarins hafa undanfarna mánuði lagt fram fjölmargar greiningar og gögn til umræðunnar um íbúðamarkaðinn á Íslandi auk þess að halda fund um íbúðamarkaðinn. Hér fyrir neðan er hægt að nálgast efnið. 

Íbúðamarkaður á krossgötum - fundur á Grand Hótel Reykjavík

Ríflega 200 manns mættu á fund Samtaka iðnaðarins um íbúðamarkaðinn sem haldinn var í Háteig á Grand Hótel Reykjavík 17. apríl. Á fundinum fluttu fimm frummælendur erindi og efnt var til pallborðsumræðna. Fundarstjóri var Guðrún Hafsteinsdóttir, formaður SI. Pallborðsumræðum stjórnaði Sigurður Hannesson, framkvæmdastjóri SI, en í umræðunum tóku þátt Sigurður Ingi Jóhannsson, samgöngu- og sveitarstjórnarráðherra, Gylfi Gíslason, forstjóri JÁVERK, Helgi Már Halldórsson, ASK arkitektar, formaður SAMARK, og Sigrún Ragna Ólafsdóttir, forstjóri Mannvits. Yfirskrift pallborðsumræðnanna var Leiðir til lausna.

Si_fundur_17042018_x-17_1528203093341

Myndir

Á Facebook SI er hægt að skoða myndir frá fundinum í Háteig á Grand Hótel Reykjavík.

Glærur

Hér er hægt að nálgast glærur frummælendanna á fundinum:

Greinar

  • Innviðaráðuneytið - Grein Sigurðar Hannessonar, framkvæmdastjóra SI, í Morgunblaðinu 19. apríl 2018.
  • Brotinn húsnæðismarkaður - Grein Sigurðar Hannessonar, framkvæmdastjóra SI, í Fréttablaðinu 26. apríl 2018.
  • Hvar á fólkið á búa? - Grein Ingólfs Bender, aðalhagfræðings SI, í Viðskiptablaðinu 3. maí 2018.
  • Ríki í ríkinu - Grein Sigurðar Hannessonar, framkvæmdastjóra SI, í ViðskiptaMogganum 17. maí 2018.
  • Skilvirkara Ísland - Grein Sigurðar Hannessonar, framkvæmdastjóra SI, í Fréttablaðinu 1. júní 2018.

Greiningar

  • Hvar á að koma íbúum fyrir á næstu árum? Tæplega 1.400 óbyggðar samþykktar íbúðarlóðir eru á höfuðborgarsvæðinu þar sem heimilt er að byggja rúmlega 7.200 íbúðir. Ef miðað er við að meðaltali verði 2,2 íbúar í hverri íbúð er um að ræða íbúðir fyrir 16 þúsund manns sem er langt frá þeirri áætlun svæðisskipulags höfuðborgarsvæðsins sem gerir ráð fyrir fjölgun um allt að 75 þúsund manns til ársins 2040, þar af 30-38 þúsund manns til ársins 2025.
  • Tafir umfram lögbundna fresti hjá úrskurðarnefnd. Um áramót höfðu 22% þeirra mála sem biðu afgreiðslu úrskurðarnefndar umhverfis- og auðlindamála beðið í meira en 18 mánuði en nefndin skal samkvæmt lögum kveða upp úrskurði eins fljótt og kostur er og jafnan innan þriggja mánaða frá því að málsgögn berast frá stjórnvaldi en innan sex mánaða frá sama tímamarki sé mál viðamikið.
  • Ný greining SI á umferðartöfum. Tengsl ferðatíma og fasteignaverðs verða æ sýnilegri. Segja má að höfuðborgarbúum standi almennt tvennt til boða þ.e. að búa í dýru húsnæði í miðborg Reykjavíkur eða sitja löngum stundum í umferðartöfum. 
  • Tafir á byggingarframkvæmdum geta kostað milljarða. Tafir á byggingarframkvæmdum í stjórnsýslu sveitarfélaga skapi aukakostnað fyrir samfélagið og að sá kostnaður birtist meðal annars í hærra fasteignaverði. 
  • Ný greining SI á íbúðamarkaðnum. Í nýrri greiningu sem Samtök iðnaðarins hafa gert kemur meðal annars fram að á síðustu áratugum hefur hækkandi meðalaldur, lækkandi fæðingartíðni o.fl. þættir sem tengjast lýðfræðilegri þróun gert það að verkum að þörf fyrir fjölgun íbúða hefur aukist hraðar en fólksfjöldinn í landinu. 
  • Á Norðurlandi eru 444 íbúðir í byggingu.  

Annað tengt íbúðamarkaðnum