Málmiðnaður
Málmiðnaður á Íslandi er víðfeðmur og spannar mörg svið, allt frá fínsmíði til smíði stærstu mannvirkja, smíði, uppsetningu og viðhald véla af öllum stærðum og gerðum, málmsteypu, yfirborðsmeðhöndlun og blikksmíði. Málmiðnaðurinn starfar í opinni samkeppni við innflutning og á alþjóðamarkaði þar sem hann hefur aukið hlut sinn verulega undanfarin ár.
Greinin leggur áherslu á að standast alþjóðlega samkeppni. Því vinna fyrirtækin og samtök þeirra sífellt skipulega að: a) aukinni hæfni allra starfsmanna, b) nýtingu nýjustu tækni og c) skilvirkri stjórnun.
Þetta er gert bæði innan fyrirtækjanna sjálfra og hjá samtökum þeirra með skilgreindum verkefnum sem nauðsynlegt er að vinna að saman ef árangur á að nást þar sem ekki er á færi einstakra fyrirtækja að koma mörgum þýðingarmiklum hagsmunamálum til framkvæmda nema með sameiginlegu átaki.