Útboð Búðarhálsvirkjunar eru einu teiknin  um einhverjar framkvæmdir á komandi vetri, nú þegar þrjú stór verkefni eru á lokasprettinum. „Nær engin ný verkefni sem eitthvað kveður að hafa verið boðin út á síðustu misserum,“ segir Árni Jóhannsson, forstöðumaður mannvirkjasviðs SI.

Samtök iðnaðarins sendu Samgöngu og sveitastjórnarráðherra bréf nú á vormánuðum þar sem vakin var athygli á misbresti sveitafélaga við að fylgja lögum um opinber innkaup nr. 84/2007. Til áréttingar var bent á verklag Flóahrepps við útboð á skólabyggingu.

Kostnaður vegna viðhalds fasteigna er nú frádráttarbær frá skatti einstaklinga. Þetta er nýjung sem kemur til viðbótar 100% endurgreiðslu VSK af vinnu á byggingastað. Endurgreiðslurnar eru tímabundnar og er ætlað að hvetja fólk til framkvæmda.