Stóriðja
  • Alcan á Íslandi hf.

Umhverfisáhrif í Straumsvík fyrir og eftir stækkun

01.02.2007

Verði af stækkun álvers Alcan í Straumsvík verða loftgæði með tilliti til heilsu fólks og mengun gróðurs og jarðvegs undir öllum mörkum sem sett eru innan sem utan lóðamarka álversins. Þetta kom fram á fundi SA um atvinnulíf og umhverfi þar sem Guðrún Þóra Magnúsdóttir, leiðtogi umhverfismála hjá Alcan, kynnti gögn um umhverfisáhrif starfseminnar í Straumsvík. Á fundinum kom jafnframt fram að Alcan hafi tekist á undanförnum árum að draga stórlega úr útstreymi flúors en mælingar sýna að magn flúors í gróðri við álverið er nú svipað og mældist áður en álver Alcan hóf starfsemi árið 1969. Í dag er losun gróðurhúsalofttegunda á hvert framleitt tonn af áli fjórðungur af því sem það var árið 1990 þegar framleiðslan var 87 þúsund tonn. Verði framleiðslugeta álversins í Straumsvík aukin í 460 þúsund tonn verður heildarlosun gróðurhúsalofttegunda litlu meiri en árið 1990. Góður árangur hefur náðst á undanförnum árum við að takmarka loftmengun.

Nánar er gert grein fyrir efni fundarins á vefsetri SA.



Senda grein