HRV Engineering hefur sagt upp 19 starfsmönnum og fyrirhugar hagræðingu í almennum rekstri. Starfsmennirnir unnu flestir við hönnun verkefna- og byggingastjórnun við álver Norðuráls í Helguvík. Haft er eftir Kolbeini Björnssyni, forstjóra í fréttatilkynningu HRV Engineering að brýnt sé að allir hlutaðeigandi snúi bökum saman um að tryggja framgang álvers í Helguvík.
Aðgerðir til að viðhalda og efla samkeppni stuðla að hraðari endurbyggingu atvinnulífsins samkvæmt reynslu annarra ríkja og rannsóknum í hagfræði. Þetta kemur fram á heimasíðu Samkeppniseftirlitsins sem hefur birt ítarlega skýrslu um málið. Almenningur er hvattur til að senda inn hugmyndir og upplýsingar til að efla atvinnulíf.
Restrictions of cross-border movement of capital have been put in place by a new Act passed by parliament. It involves a legal obligation to those acquiring foreign currency to submit it to a domestic financial institution, or a foreign currency account in a financial institution. Restrictions for parties intending to exchange Icelandic kronas for foreign currency are a part of the Act. As soon as circumstances allow, the restrictions will be lifted.
Áherslur Samtaka iðnaðarins og brýn verkefni framundan verða aðalumræðuefni almenns félagsfundar um stöðu efnahags- og atvinnumála þriðjudaginn 2. desember næstkomandi. Áhersla verður lögð á almennar umræður og fyrirspurnir og kallað verður eftir hugmyndum félagsmanna um möguleika í stöðunni.
„Ég held að í þessari stöðu eigum við engan annan kost en að finna tækifærin og nýta þau í stað þess að velta okkur upp úr erfiðleikunum,“ segir Jón Steindór Valdimarsson framkvæmdastjóri Samtaka iðnaðarins í viðtali við aukablað Morgunblaðsins, Sóknarfæri, í gær. Hann leggur áherslu á mikilvægi innlends iðnaðar í uppbyggingunni og bendir á þær auðlindir sem við búum að. Lykilatriði sé að vinna með þau gæði til að komast í gegnum verkefnið.
Sebastian Homuth meistaranemi í vistvænni orkunýtingu frá RES – Orkuskólanum hlaut fyrir skemmstu fyrstu verðlaun ungra vísindamanna á alþjóðlegri ráðstefnu Þýska Jarðhitasambandsins. Verðlaunin hlaut Sebastian fyrir ritgerð sína sem fjallar um jarðhitarannsóknir.
Neytendastofa hefur skipulagt málþing í samstarfi við framkvæmdastjórn ESB miðvikudaginn 10. desember næstkomandi. Þingið verður haldið í Borgartúni 19 og stendur yfir frá klukkan 9-12. Þar verða kynntar nýjar reglugerðir ESB um öryggi vöru og aukið markaðseftirlit á Evrópska efnahagssvæðinu.
Vélsmiðjan Héðinn í Garðabæ hefur hafið fyrsta áfanga framkvæmda við endurnýjun og stækkun fiskimjölsverksmiðju HB Granda á Vopnafirði. Fyrirvari í samningi fyrirtækjanna um fjármögnun gæti tafið verkið, í versta falli yrði því frestað þar til aðstæður lagast á fjármálamörkuðum.
Rúmlega 78% telja álver á Íslandi hafa mjög eða frekar jákvæð áhrif á efnahag samkvæmt könnun sem Capacent Gallup gerði fyrir Alcoa Fjarðarál í október. Rúmlega átta prósent eru neikvæðir eða mjög neikvæðir. Tæplega 60% aðspurðra segjast hafa jákvæð viðhorf til fyrirtækisins en neikvæðir eru rúmlega 18%.
Hvatningarmyndband sem gert var í tilefni fjöldafundar nýsköpunar- og sprotafyrirtækja "Núna" er tækifærið sem haldinn var 14. nóvember á Nordica Hótel Reykjavík má sjá í þessari hér.
Rúmlega þúsund manns tóku þátt í að skapa hringitón til stuðnings nýsköpunar og hátækni á fjöldafundinum „Núna“ er tækifærið sem haldinn var föstudaginn 14. nóvember síðastliðinn. Valgeir Guðjónsson stjórnaði hópnum í raddbeitingu og DJ Margeir tók upp og hljóðblandaði. Myndband af því þegar hringitónninn var búinn til má sjá hér
Samtök iðnaðarins bjóða starfsmannastjórum og öðrum stjórnendum í fyrirtækjum SI á sérstakan fund um hlutverk mannauðsstjóra á óvissutímum. Fundurinn ber yfirskriftina Starfsmannastjórar í eldlínu og fer fram á Grand Hótel Reykjavík, þriðjudaginn 25. nóvember klukkan 8:00 – 10:00.
Samtök atvinnulífsins hafa birt lista yfir mikilvægustu úrlausnarefni stjórnvalda sem nú vinna að aðgerðaráætlun í þágu fyrirtækja. Á heimasíðu SA segir að þau snúi meðal annars að gjaldeyrisviðskiptum, samskiptum við erlenda lánadrottna, lækkun vaxta, uppstokkun atvinnulífsins, nýsköpun og skapandi hugsun, kjarasamningum og skilyrðum fyrir fjárfestingar.
Rúmlega 200 störf skapast með því að treysta stoðir nýsköpunar, meðal annars með samkomulagi ríkisstjórnarinnar um aðkomu atvinnuleysistryggingasjóðs. Það felur í sér að sjóðurinn greiði 90% af bótum hvers manns sem fyrirtæki ræður af atvinnuleysisskrá leggi fyrirtækið það sama á móti. Ekkert takmark er á fjölda starfsmanna.
Hreinn meirihluti þjóðarinnar er hlynntur aðild að ESB og vill taka upp evru. Þetta eru megin niðurstöður könnunar sem CapaCent Gallup gerði fyrir Samtök iðnaðarins í lok október.
Matís ohf tekur þátt í evrópska samstarfsverkefninu EuroFIR (European Food Information Resource) um að bæta gögn um efnisinnihald matvæla. Verkefnið miðar að því að leita leiða til að miðla upplýsingunum með gagnagrunnum og á netinu. Þannig styrkist samkeppnishæfni smárra og stórra matvælafyrirtækja í Evrópu.
Öllum er ljóst að á næstu misserum og árum verður erfið glíma við afleiðingar alþjóðlegrar fjármálakreppu og hruns íslenska fjármálakerfisins. Grundvallaratriði er að leita allra leiða til að auka útflutningstekjur, draga úr erlendum útgjöldum, koma í veg fyrir að atvinnuleysi festist í sessi, fólk flytji úr landi og hér bresti á óbætanlegur atgervisflótti.
Rúmlega eitt þúsund manns voru saman komnir á fjöldafundi sprota- og nýsköpunarfyrirtækja – Núna er tækifærið - á Hótel Nordica síðastliðinn föstudag. Á fundinum tilkynnti Össur Skarphéðinsson iðnaðarráðherra að ríkisstjórnin hefði samþykkt að atvinnuleysistryggingasjóður myndi koma til móts við sprota- og nýsköpunarfyrirtæki sem ráða starfsfólk af atvinnuleysisskrá. Þannig greiði sjóðurinn 90% af bótum hvers manns gegn því að fyrirtækin leggi það sama á móti. Ekkert takmark er á fjölda starfsmanna.
Af gefnu tilefni vill Seðlabanki Íslands útskýra hvernig greiðslur milli landa eiga sér stað. Hér er tekið dæmi af greiðslum frá Bretlandi til Íslands en útskýringin á við um hvaða mynt sem er og jafnt um greiðslur til og frá Íslandi.
Oddvitar ríkisstjórnarinnar hafa greint frá því að Iausn sé fundin á Icesave deilunni og að þar með sé rutt úr vegi hindrunum fyrir því að Alþjóðagjaldeyrissjóðurinn afgreiði umsókn Íslendinga um fyrirgreiðslu.
Fjármálaráðuneytið hefur sent frá sér tilkynningu þar sem þeim tilmælum er beint til embætta tollstjóra og skattstjóra að fellt verði niður í viku álag vegna skila á staðgreiðslu 17. nóvember n.k. vegna áframhaldandi truflana á bankastarfsemi hér á landi.
Alþingi samþykkti í gær breytingar á lögum um atvinnuleysistryggingar og ábyrgðarsjóð launa. Samkvæmt þeim getur fólk í hlutastarfi fengið tekjutengdar atvinnuleysisbætur í lengri tíma en áður og skerðing atvinnuleysisbóta vegna launagreiðslna fyrir hlutastarf fellur niður.
Á ríkisstjórnarfundi fyrr í dag lagði fjármálaráðherra fram frumvarp um tímabundnar breytingar á tollalögum, þar sem lagt er til að virðisaukaskattskyldum aðilum verði veittur gjaldfrestur á hluta af aðflutningsgjöldum, þmt. virðisaukaskatti, vegna innflutnings á tímabilinu september og október 2008, en greiðsla þeirra fellur í eindaga þann 17. nóvember nk.
Norðurál hefur hug á að byggja stærra álver í Helguvík auk þess sem það yrði byggt upp í fleiri áföngum, en á lengri tíma. Uppbyggingin yrði í tveimur áföngum og stöðug næstu sex árin. Í Morgunblaðinu í dag kemur fram að ekki hafi verið ákveðið hvernig framhald framkvæmda verði þar sem endurskoðun áforma sé ekki lokið.
Föstudaginn 14. nóvember verður haldinn fjöldafundur meðal fólks í hátækni- og sprotageiranum á Hilton Reykjavík Nordica kl. 16.00. „Núna“ er tæifærið til að hefja markvissa uppbyggingu hátækni- og sprotafyrirtækja með virku samstarfi og samstöðu stjórnvalda, stjórnenda og starfsmanna um að treysta stoðir nýsköpunar og virkja mannauðinn.
Ráðstefnan Dagur ungra fræðimanna í Evrópumálum á vegum Alþjóðamálastofnunar Háskóla Íslands og Samtaka iðnaðarins verður haldin föstudaginn 14. nóvember kl. 13 -16 í Norræna húsinu.
Skúlaverðlaunin voru afhent í fyrsta sinn á sýningu Handverks og hönnunar í Ráðhúsi Reykjavíkur 31. október síðastliðinn. Verðlaunin sem styrkt eru af Samtökum iðnaðarins hlaut Páll Garðarsson fyrir nýstárlegan jólatréstopp. Auk hans hlutu Margrét Guðnadóttir og Dýrfinna Torfadóttir sérstakar viðurkenningar.
Hér á landi hafa einungis sjö fyrirtæki skráð efni til nýju evrópsku efnalöggjafarinnar REACH. Forskráningu lýkur í lok þessa mánaðar en mjög mikilvægt er að íslensk fyrirtæki taki þátt í ferlinu frá byrjun því óheimilt verður að framleiða eða markaðssetja óskráð efni í Evrópu.
Nær öll viðskipti íslenskra fyrirtækja í útlöndum eru háð fyrirgreiðslu tryggingarfélaga sem taka að sér greiðslufallstryggingar en það er yfirleitt forsenda þess að hægt sé að semja um greiðslufresti í viðskiptum sem oft er á bilinu 30 - 60 dagar.
Fjölmargar hugmyndir og ábendingar um tækifæri vegna alvarlegra efnahagsþrenginga komu fram á fundi með aðilum úr viðskiptalífinu á Akureyri fyrir helgina. Skrifstofa atvinnulífsins á Norðurlandi í samvinnu við Atvinnuþróunarfélag Eyjafjarðar og Akureyrarstofu boðuðu til fundarins. Markmið hans var að ræða á jákvæðan hátt stöðu athafnalífsins og draga fram möguleg tækifæri sem falist gætu í stöðunni.
Tölvuleikurinn EVE online mun fást í verslunum um allan heim eftir samning sem CCP hefur gert við tölvuleikjarisann Atari. Frá 12. mars næstkomandi mun EVE því verða fáanlegur í yfir 55 þúsund verslunum um víða veröld. Leikurinn verður einnig bættur með ofurtölvutækni og vefþjónar uppfærðir.
Full ástæða er að hafa áhyggjur af fjölda fyrirtækja sem tæknilega eru gjaldþrota. Eigið fé margra þeirra hefur brunnið í ljósi utanaðkomandi atriða eins og verðtryggingar og gengisskráningar. Þetta segir Jón Steindór Valdimarsson framkvæmdastjóri Samtaka iðnaðarins í Morgunblaðinu í dag. Á fundi viðskiptanefndar Alþingis hafi komi fram að líklega séu 60-80% allra fyrirtækja í landinu tæknilega gjaldþrota þar sem þau séu skuldsett í erlendri mynt.
Stjórnvöld eru hvött til að efna til átaks um uppbyggingu Hátækni- og sprotafyrirtækja á Íslandi í ályktun sem rædd var á fjölmennum fundi Samtaka iðnaðar-, íslenskra líftæknifyrirtækja-, sprotafyrirtækja-, upplýsingafyrirtækja og aðildarfyrirtækja þeirra í síðustu viku. Á fundinum var lögð áhersla á að treysta stoðir nýsköpunar í fyrirtækjunum og nýta þann mannauð sem losnar í efnahagsþrengingunum sem nú standa yfir.
Íslenska Sjávarútvegssýning 2008 var haldin í Smáranum í Kópavogi 2.-4. október síðastliðinn. Félagsmenn Samtaka iðnaðarins voru áberandi á sýningunni og kynntu margar nýjungar á sviði sjávarútvegstækni fyrir veiðar, vinnslu, pökkun og fleira.
Samtök iðnaðarins hafa hrundið af stað nýrri auglýsingaherferð undir slagorðinu Veljum íslenskt – okkar hagur.
Vegna óvissuástands á fjármálamörkuðum auk annarra þátta hafa fyrirtækin Alcoa, Landsvirkjun og Þeistareykir ákveðið að fresta rannsóknarborunum vegna fyrirhugaðs álvers á Bakka við Húsavík. Í fréttatilkynningu segir að ákvörðun um framhald borana muni bíða til haustsins 2009.
Vegagerðin hefur frestað tímabundið frekari útboðum og afturkallað þegar auglýst útboð vegna fyrirmæla fjármálaráðuneytisins um að ekki skuli stofnað til nýrra fjárskuldbindinga fyrr en áætlanir um ríkisfjármál liggi fyrir. Framkvæmdastjóri Samtaka iðnaðarins segir skilaboðin röng.
Mikill áhugi er fyrir samvinnu milli Reykjavíkurborgar og verktaka um tillögur að framkvæmdum á vegum borgarinnar í samræmi við nýjar áherslur í atvinnumálum. Framkvæmdaáætlun fyrir árið 2009 hljóðar upp á 6-8 milljarða. Á fundi með Samtökum iðnaðarins í gær sagði Óskar Bergsson að verið væri að tryggja fjármögnun og vinna að forgangsröðun verka. Stefnt væri að því að leggja áætlunina fyrir borgarstjórn um miðjan desember.
Misunderstanding in an article by singer Bjork published in The Times on 28 october 2008 needs correction according to Jon Steindor Valdimarsson Director General of the Federation of Industries in Iceland. The online edition of The Times has published his letter.
Vefútgáfa breska blaðsins The Times birtir í dag bréf Jóns Steindórs Valdimarssonar framkvæmdastjóra Samtaka iðnaðarins vegna greinar Bjarkar Guðmundsdóttur söngkonu sem birtist í blaðinu 28. október. Jón Steindór segir nokkurs misskilnings gæta í grein Bjarkar sem rétt sé að leiðrétta.
Fyrsta útskrift úr Tækniskólanum – skóla atvinnulífsins fór fram síðastliðinn föstudag. Þá voru átta fag- og iðnnemar útskrifaðir úr diplómanámi í rekstri og stjórnun. Af því tilefni sagði Jón Steindór Valdimarsson, formaður stjórnar skólans og framkvæmdastjóri Samtaka iðnaðarins, að þess væri vænst að þeir yrðu í hópi brautryðjenda við uppbyggingu íslensks atvinnulífs.
Óskar Bergsson formaður borgarráðs sagði í fréttum Útvarps í dag að að borgin íhugaði að breyta forgangsröð og ráðast í mannaflsfrekari framkvæmdir til að leggja sitt af mörkum til að halda uppi atvinnustigi. Samtök iðnaðarins hafa boðað til opins fundar á mánudag þar sem Óskar fer yfir aðgerðaráætlun Reykjavíkurborgar vegna breytinga í efnahags- og atvinnulífi.
