Iðnaður í fyrsta sinn stærstur í útflutningi
Iðnaðarvörur voru á síðasta ári rúmlega 52% alls útflutnings. Þetta er í fyrsta sinn frá upphafi skráningar á árlegum útflutningi árið 1862 sem iðnaðarvörur eru meiri en helmingur alls útflutnings. Samkvæmt bráðabirgðatölum Hagstofunnar fyrir árið 2008 var hlutdeild iðnaðar meiri en sjávarafurða, en ál vó þar þyngst.
Tilslökun til fyrirtækja vegna virðisaukaskatts
Fjármálaráðuneytið hefur í dag beint þeim tilmælum til skattstjóra að fellt verði tímabundið niður álag vegna skila á virðisaukaskatti sem ér á gjalddaga 5. febrúar 2009 og gildi sú niðurfelling í átta daga eða til 13. febrúar 2009.
Metþátttaka á fríráðstefnu Microsoft
Microsoft á Íslandi brást við hruni Íslendinga í símenntunarferðir til útlanda með því að blása til ráðstefnu um nýjustu strauma í upplýsingatækni. Aðgangur að ráðstefnunni var ókeypis en hún fór fram dagana 19. og 20. janúar. Þetta er fjölmennasta ráðstefna sem haldin hefur verið hérlendis í greininni en um 850 tæknimenn, forritarar og stjórnendur nýttu sér þetta tækifæri.
Björt framtíð málm- og véltækniiðnaðar
Ráðstefnan Björt framtíð málm- og véltækniiðnaðar á Íslandi ef ... verður haldin á Grand Hótel Reykjavík laugardaginn 31. janúar næstkomandi klukkan 10-16. Ráðstefnan hefst á ávarpi Össurar Skarphéðinssonar, iðnaðarráðherra, en fjöldi manns stígur í pontu og fjallar meðal annars um samkeppnishæfni, nýsköpun og markaðssetningu í greininni.
Óbreyttir stýrivextir vonbrigði
„Þótt vaxtaákvörðunin komi ekki á óvart er hún samt sem áður vonbrigði því aðstæður í efnahagslífinu kalla á verulega lækkun vaxta,“ segir hagfræðingur SI í grein í Viðskiptablaðinu. Ákvörðun Seðlabankans byggi líklega á styrkingu krónunnar síðustu daga og mælingum sem gefi til kynna hægari verðbólguhraða þrátt fyrir hátt verðbólgustig.
Verðbólga mælist 18,6%
Verðbólga mælist nú 18,6%. Svo virðist sem farið sé að hægja á verðbólgunni eftir að hafa verið á miklum skriði stærstan hluta ársins 2008. Síðustu ár hefur hækkandi húsnæðisverð verið ráðandi þáttur í þróun verðbólgunnar en mikið gengisfall krónunnar á síðasta ári skýrir öðru fremur háa verðbólgu nú. Horfur eru á að lækkandi húsnæðisverð geti dregið úr verðbólgu
Útboð hefjast að nýju hjá Vegagerðinni
Nú hefur verið ákveðið að bjóða út að nýju verk hjá Vegagerðinni en útboð hafa legið niðri frá því í haust meðan unið var að endurgerð fjárlaga vegna efnhaghrunsins. Um er að ræða verksem voru á vegáætlun 2008 og hafa því þegar verðið samþykkt af Alþingi í gildandi samgönguáætlun.
Útboðsþingi frestað
Útboðsþingi Samtaka iðnaðarins sem ráðgert var að halda næstkomandi föstudag hefur verið frestað til 13. febrúar. Forstöðumaður mannvirkjasviðs Samtaka iðnaðarins segir frestinn koma sér afar illa fyrir verktakafyrirtæki.
Vinnumálastofnun greiðir bætur til sprotafyrirtækja
Nú geta fyrirtæki sem vinna að nýsköpun ráðið starfsmenn af atvinnuleysisskrá og fengið greiddar atvinnuleysisbætur þeirra. Átaksverkefnið Starfsorka byggir á nýrri reglugerð og býður upp á þríhliða samning milli Vinnumálastofnunar, fyrirtækis og atvinnuleitanda um ráðningu í störf sprota- og nýsköpunarfyrirtækja.
Gullsmíðanemum kynnt starfsemi SI
Gullsmíðanemar Tækniskólans heimsóttu Samtök iðnaðarins í síðustu viku. Nemarnir kynntust innviðum SI sem og starfsemi Félags íslenskra gullsmiða.
Akur fær C-vottun
Trésmiðjan Akur á Akranesi hlaut fyrir skömmu viðurkenningu um C-vottun Samtaka iðnaðarins. Stjórnendur fyrirtækisins telja kostinn við að vinna eftir gæðaferlinu ótvíræðan. Það bæti alla þætti rekstrar og stjórnun fyrirtækisins er varða samskipti við samstarfsaðila.
FKA heiðrar Rannveigu Rist
Rannveig Rist, forstjóri Alcan á Íslandi, hlaut í gær viðurkenningu Félags kvenna í atvinnurekstri fyrir lofsvert framlag til íslensk atvinnulífs. Rannveig var fyrr í mánuðinum kjörin maður ársins í íslensku atvinnulífi af Frjálsri verslun.
Miklar áhyggjur af svartri atvinnustarfsemi
Miklar áhyggjur eru uppi meðal iðnmeistara af því að svört atvinnustarfsemi aukist til muna í því mikla atvinnuleysi sem er að verða meðal iðnaðarmanna í landinu. Kröfur um að tekið verði á þessum þætti eru háværar á nær öllum fundum sem Samtök iðnaðarins hafa átt með forsvarsmönnum úr byggingariðnaði.
Íslenskt bygg notað markvisst í bakstur
Félagsmenn í Landssambandi bakarameistara hafa bundist samtökum um að hefja markvissa notkun á íslensku byggi í brauðgerð og bakstur. Fyrir stuttu gerði Kornax samkomulag við Eyrarbúið ehf. á Þorvaldseyri undir Eyjafjöllum um að dreifa möluðu byggi á almennan markað. Íslenskt bankabygg, heil byggkorn, hafa hins vegar verið fáanleg í nokkur ár.
Fundir SA vegna framlengingar kjarasamninga
Samtök atvinnulífsins hafa unnið að tillögum vegna fyrirhugaðra viðræðna fyrir 15. febrúar næstkomandi um framlengingu á kjarasamningum. Opnir fundir verða haldnir á vegum Samtakanna til að kynna tillögurnar og atvinnustefnu SA til næstu missera. Í fyrramálið er fundur á Grand Hótel í Reykjavík en dagana 23.-27. á Ísafirði, Akureyri, Egilsstöðum, Selfossi og í Reykjanesbæ.
Kostnaður við nýbyggingar hækkar um 30%
Síðustu 12 mánuði hefur vísitala byggingakostnaðar hækkað um tæp 30%. Vísitala byggingakostnaðar mælir helstu kostnaðarliði við byggingu staðlaðrar íbúðar en ekki er tekið tillit til lóðaverðs.
Sólarkísilverksmiðja gæti skapað 350 störf
Ísland er í hópi fimm landa sem norska fyrirtækið Elkem skoðar nú sem valkost fyrir nýja sólarkísilverksmiðju. Áætlað er að verksmiðjan hefji starfsemi árið 2012-2013 en hún mun skapa 350 ný störf. Ákvörðun liggur ekki fyrir en staðsetning verksmiðjunnar yrði á Grundartanga.
Stóriðjuskólinn útskrifar 11 úr framhaldsnámi
Stóriðjuskóli Alcan útskrifaði fyrir helgina ellefu nemendur úr framhaldsnámi. Þetta er ellefta starfsár skólans, en útskriftarhópurinn hóf nám haustið 2007. Nú hafa 183 nemendur útskrifast úr grunnnámi en um er að ræða annan framhaldshópinn. Rannveig Rist forstjóri Alcan á Íslandi fór yfir sögu skólans við útskriftina.
Genís þróar tímamótaefni til bæklunarskurðlækninga
Líftæknifyrirtækið Genís vinnur nú að verkefni með framleiðslu á kítínafleiðum sem unnar eru úr rækjuskel. Þróun verkefnisins miðar að vörum til notkunar við bæklunarskurðlækningar með ígræðslu í beinvef. Framkvæmdastjóri Genís telur að tímamót í greininni gætu verið í augsýn.
Menntadagur iðnaðarins 2009 - Mannauður í mótbyr
Miðvikudaginn 11. febrúar kl. 9:00 verður Menntadagur iðnaðarins haldinn á Grand Hótel Reykjavík. Til umfjöllunar verður mannauður í mótbyr. Helgi Magnússon, formaður SI, og Þorgerður Katrín Gunnarsdóttir, menntamálaráðherra, ávarpa meðal annars þingið.
Ístak lagst í víking
Verktakafyrirtækið Ístak leitar nú verkefna í auknum mæli á erlendri grundu. Fyrirtækið mun hefja verklegar framkvæmdir við skóla í Nuuk í Grænlandi í mars. Mánuði síðar hefst vinna við virkjun í norðurhluta Grænlands sem hafist var handa við síðastliðið sumar. Um 80 Íslendingar munu starfa við verkefnin í Grænlandi.
Íslenskur hugbúnaður í verðlaunasæti
Innri vefur Kaupþings sem keyrður er í vefumsjónarkerfinu LiSa frá Eskli hefur verið valinn einn af 10 bestu í heimi af Nielsen Norman Group. Það er bandarískt fyrirtæki sem sérhæfir sig í rannsóknum og ráðgjöf í hugbúnaðarmálum. Framkvæmdastjóri Eskils segir að valið staðfesti að íslenskur hugbúnaður gefi erlendum ekkert eftir.
Ástæðulaust að drepa atvinnulífið með hávaxtastefnu
„Þrátt fyrir efnahagslegar hamfarir bólar ekkert á aðgerðum stjórnvalda til stuðnings atvinnulífinu,“ skrifar Þorsteinn Víglundsson, varaformaður Samtaka iðnaðarins og forstjóri BM Vallár, í grein í Morgunblaðinu í dag. Hann telur hávaxtastefnu ekki duga eina og sér til að semja við eigendur erlends fjármagns sem vilja koma því úr landi. Þess vegna sé ástæðulaust að drepa atvinnulífið „í þeirri árangurslausu tilraun.“
Microsoft bregst við hruni símenntunarferða íslensks tæknifólks
Microsoft á Íslandi stendur í fyrsta sinn fyrir ráðstefnu hér á landi til að forða því að íslenskt tæknifólk dragist aftur úr erlendum keppinautum. Aðgangur er ókeypis, en 80% samdráttur varð á þátttöku Íslendinga á alþjóðlegum námskeiðum og ráðstefnum milli áranna 2007 og 2008 og hefur þátttakendum fækkað enn frekar á síðustu mánuðum.
Ný úrræði fyrir atvinnuleitendur
Í nýrri reglugerð Jóhönnu Sigurðardóttur, félags- og tryggingamálaráðherra, kemur fram fjöldi úrræða sem atvinnuleitendur geta gripið til samhliða því að fá greiddar atvinnuleysisbætur. Þannig missir fólk ekki bætur með þátttöku í sérstökum átaksverkefnum, frumkvöðlastörfum og sjálfboðaliðastörfum.
Þjóðin þarf að horfa fram á við
Helgi Magnússon formaður Samtaka iðnaðarins segir að mjög mikilvægt sé fyrir þjóðina að komast út úr reiðinni og horfa fram á veginn. Annars komist þjóðin ekki áfram. Í Markaðinum hjá Birni Inga á Stöð 2 sagðist Helgi þó ekki gera lítið úr reiði almennings. Áramót séu þó góður tími til viðhorfsbreytinga.
Rök Seðlabanka og AGS um vexti standast ekki
Núverandi aðstæður fyrir atvinnulíf og almenning í landinu eru svo erfiðar að vextir verða að fara niður. Þetta er mat Bjarna Más Gylfasonar, hagfræðings Samtaka iðnaðarins, sem segir rök Seðlabanka og Alþjóðagjaldeyrissjóðsins um að halda vöxtum háum ekki standast.
Ný ofurtölva CCP getur þjónað milljón notendum
Íslenska tölvuleikjafyrirtækið CCP sem hannaði og rekur hinn vinsæla EVE Online tölvuleik hefur tekið upp nýja ofurtölvutækni frá Microsoft. Windows Microsoft HPC Server 2008 gerir fyrirtækinu kleift að hafa eina milljón notenda í leik sínum EVE Online. Nú eru notendur 300 þúsund. Á vef Microsoft í Bandaríkjunum er greint ítarlega frá fyrirtækinu og notkun þess á nýja kerfinu.
Efnahagslægðin nú minni en árið 1968
Sú niðursveifla sem íslenska hagkerfið varð fyrir árið 1968 var mun dýpri en efnahagslægðin sem nú er hafin. Þá dundi á þjóðinni aflabrestur, verðfall afurða og landsframleiðsla minnkaði meira en gert er ráð fyrir í þessari niðursveiflu, sem er sú níunda í íslenskum efnahagsbúskap frá árinu 1940.
Óvissu um framtíð Frumtaks eytt
Ekki var vitað með vissu um framtíð nýja fjárfestingarsjóðsins Frumtaks eftir fall íslensku bankanna í október. Nú hefur þeirri óvissu verið eytt og hlutafjárframlag viðskiptabankanna tryggt. Framkvæmdastjóri sjóðsins segir spennandi tíma framundan.
Nýtt vefsetur Ljósmyndarafélagsins
Ljósmyndarafélagið hefur endurnýjað vefsetur sitt á www.ljosmyndarafelag.is. Lárus Karl Ingason formaður félagsins segir að viðbrögðin við nýju síðunni hafi verið mjög góð. Birgjar ljósmyndara sjái sér hag í að auglýsa og það standi straum af kostnaði við að viðhalda henni. Kristján Logason ljósmyndari hefur verið ráðinn vefstjóri en Hafsteinn Már Másson hjá Veflist hannaði vefinn.
Rangt að hækka raforku
Samtök iðnaðarins mótmæla harðlega hækkunum á verði fyrir dreifingu og flutning á raforku nú um áramótin. „Það er óskiljanlegt að opinbert fyrirtæki eins og RARIK hækki gjaldskrá sína um 15%“ segir framkvæmdastjóri SI.
Helguvík skapar 2.500 manns vinnu
Fjárfestingarsamningur vegna álvers í Helguvík verður staðfestur samkvæmt því sem Össur Skarphéðinsson iðnaðarráðherra sagði í grein í Fréttablaðinu á laugardag. Þetta telur ráðherra að muni skapa rúmlega 2.500 manns vinnu á byggingartíma á sama tíma og efnahagslægðin er dýpst og atvinnuleysið mest. „Fagnaðarefni," segir Jón Steindór Valdimarsson framkvæmdastjóri Samtaka iðnaðarins.
Lengi býr að fyrstu gerð
Samtök iðnaðarins og Háskólinn á Akureyri hafa gefið út rit um nýliðun sem nefnist Lengi býr að fyrstu gerð. Ritið er vefrit og er notkun þess frjáls og án endurgjalds.
Jafnræðis verður að gæta
Rekstrarerfiðleikar og mikil skuldsetning blasir við stórum hluta atvinnulífsins. Því verður ekki unað ef í ljós koma tilburðir í þá átt að afgreiða vanda einnar atvinnugreinar eða einstakra fyrirtækja með öðrum hætti eða á kostnað annarra.
Mikill meirihluti vill viðræður við ESB
Enn einu sinni sýna kannanir svart á hvítu að mikill meirihluti þjóðarinnar er hlynntur því að taka upp aðildarviðræður við Evrópusambandið. Svo hefur verið samfellt í fimm ár.
