Microsoft í Bandaríkjunum hefur heiðrað TM Software vegna verkefnis sem fyrirtækið vann í kjölfar hamfara í Burma á síðasta ári. Verkefnið fólst í hugbúnaðarlausn sem heldur utan um allar náttúruhamfarir í heiminum.

Lesa meira

Á aðalfundi Samtaka iðnaðarins á Grand Hóteli 5. mars næstkomandi verður kosið til stjórnar. Árlega er kosið um formann en að þessu sinni er kosið um fjögur almenn stjórnarsæti. Lesa meira

Vaxtarsprotinn verður veittur í þriðja sinn í apríl næstkomandi. Tilgangur verðlaunanna er að vekja athygli á góðum árangri sprotafyrirtækja í örum vexti og skapa þannig aukinn áhuga og skilning á uppbyggingarstarfi þeirra. Lesa meira

Umhverfisstofnun stendur fyrir málstofu um eflingu Svansins á Íslandi næstkomandi fimmtudag. Svanurinn er opinbert umhverfismerki Norðurlandanna. Lesa meira

Félags- og tryggingamálaráðherra hefur sett tvær reglugerðir um starfsemi Íbúðalánasjóðs. Helstu nýmæli felast í nýjum lánaflokki sem heimilar lánveitingar til endurbóta og viðhalds á leiguíbúðum, rýmri heimildum til að veita fötluðum einstaklingum aukalán vegna sérþarfa og heimild til veðlánaflutninga milli leiguíbúða sem eru í eigu sama lántakenda. Lesa meira

Samtök iðnaðarins hafa úthlutað sjö verkefnum styrkjum til námsefnisgerðar fyrir iðngreinar og aðrar greinar er varða iðnað. Alls nema styrkirnir 6,5 milljónum króna. Lesa meira

Heildarupphæð fyrirhugaðra fram­kvæmda opinberra aðila verður rúm­­lega 50 milljarðar króna á þessu ári. Um 60% samdráttur er á framkvæmdum miðað við síðasta ár þegar upphæðin var 130 milljarðar og aukning um 24% frá fyrra ári. Þetta kom fram á Útboðsþingi Samtaka iðnaðarins 13. febrúar síðastliðinn. Lesa meira

Hugbúnaðarfyrirtækið CCP hefur verið valið Þekkingarfyrirtæki ársins af Félagi viðskiptafræðinga og hagfræðinga. Auk CCP voru Marel og Össur tilnefnd tilverðlaunanna sem voru afhent 13. febrúar síðastliðinn. Lesa meira

Árlegt útboðsþing um verklegar framkvæmdir í mannvirkjagerð og byggingariðnaði var haldið á Grand Hótel Reykjavík í dag. Á þinginu var gefið yfirlit yfir öll helstu útboð opinberra aðila á verklegum framkvæmdum. Lesa meira

Verktakafyrirtækið Loftorka hefur brugðist við samdrætti með því að búa til ný störf innan fyrirtækisins, senda fólk á námskeið og undirbúa ný verkefni. Andrés Sigurðsson, rekstrarstjóri fyrirtækisins, segir á vef SA að fyrirtækið hafi farið standandi inn í kreppuna; „Og ætlum helst að koma standandi út úr henni.“

Lesa meira

Á málþingi SI var fjallað um mannauð og menntun á umbrotatímum. Nýr menntamálaráðherra, Katrín Jakobsdóttir, ávarpaði þingið. Meðal annars kom fram að nú væri mikil gerjun í atvinnulífinu sem gæfi tækifæri til að nýta betur þekkingu og menntun fólks.

Lesa meira

Í morgun, 11. febrúar á Menntadegi iðnaðarins 2009 var kynnt ákvörðun stjórnar Samtaka iðnaðarins um að verja 280 milljónum króna til ákveðinna verkefna á sviði menntamála og nýsköpunar á næstu þremur árum. Lesa meira

„Þrír stærstu bankar Íslands urðu gjaldþrota í einni og sömu vikunni í október á síðasta ári.

Þessir atburðir komu af stað kerfisbundinni kreppu hér á landi þegar greiðslumiðlun

innan lands og við önnur lönd brast tímabundið. Í kjölfarið upphófst ein dýpsta og

bráðasta fjármálakreppa sem orðið hefur á Vesturlöndum.“

Lesa meira

Beita verður öllum tiltækum ráðum til að ná vaxtastiginu niður hér á landi og fá hjól atvinnulífsins til að snúast, en þau gera það ekki við núverandi aðstæður. Þetta er mat Jóns Steindórs Valdimarssonar, framkvæmdastjóra Samtaka iðnaðarins á vef Viðskiptablaðsins í dag.

Lesa meira

Samkvæmt frumvarpi ríkisstjórnarinnar sem nú hefur verið lagt fram á þinginu, verður allur virðisaukaskattur endurgreiddur af vinnu á byggingastað við viðhald eða nýbyggingu íbúðahúsnæðis.

Lesa meira

Útflutningsráð Íslands og Impra á Nýsköpunarmiðstöð Íslands standa fyrir verkefni dagana 26.-27. febrúar sem ætlað er að styðja við fyrirtæki Brautargengiskvenna sem hyggja á útrás. Farið verður yfir það ferli sem huga þarf að varðandi útflutning með sérstaka áherslu á vöruþróun. Þá verða dæmi tekin úr atvinnulífinu. Lesa meira

Alþjóðlega ráðstefnan EcoProcura um vistvæn innkaup verður haldin á Hilton Nordica Reykjavík 25.-27. mars næstkomandi. Heiti ráðstefnunnar er „Climate Neutral Through Procurement”. Athyglinni verður beint að því hvernig vistvæn innkaup geta leitt til minni losunar á gróðurhúsalofttegundum og auðveldað aðlögun að breyttum aðstæðum vegna loftlagsbreytinga. Lesa meira

Ásgeir Magnússon, verkefnastjóri Samtaka iðnaðarins á byggingarsviði, rekur þá erfiðleika sem byggingariðnaðurinn stendur frammi fyrir um þessar mundir í grein sem birtist í Morgunblaðinu. Varla sé til það fyrirtæki sem ekki hafi þurft að segja upp starfsfólki og draga verulega saman í rekstri. Starfsskilyrði hafa reynst greininni erfið ekki síst vegna árstíðabundinna sveiflna, dýrra byggingarlóða, gæðavandamála og samkeppni við svarta vinnu og kennitöluflakk. Lesa meira

Ólafur Teitur Guðnason, framkvæmdastjóri samskiptasviðs Alcan á Íslandi, segir fyrirtækið hafa greitt 1,4 milljarða króna í tekjuskatt árið 2007 og 230 milljónir í fasteignagjöld. Fyrirtækið hafi einnig átt viðskipti við 800 innlend fyrirtæki fyrir 5,4 milljarða króna. Í grein sem birt er á vef Alcan svarar Ólafur fullyrðingum Indriða H. Þorlákssonar, fyrrverandi ríkisskattstjóra, um að álver á Íslandi hafi lítinn efnahagslegan ávinning. Lesa meira

Stefán Hrafn Sigfússon, verðlaunahafi í keppninni um Köku ársins 2009 afhenti Jóhönnu Sigurðardóttur, forsætisráðherra, eintak af kökunni í morgun. Jóhann Felixson, formaður Landssambands bakarameistara, betur þekktur sem bakarameistarinn Jói Fel, óskaði forsætisráðherra velfarnaðar í starfi. Kakan var síðan borin fram á ríkisstjórnarfundi.

Lesa meira

Samtök heilsuræktarstöðva, SHS og Alþýðusamband Íslands, ASÍ gerðu í dag með sér samning þess efnis að styrkja einstaklinga í atvinnuleit til að stunda heilsurækt. Lesa meira

Frumtak hefur fest kaup á hlut í hugbúnaðarfyrirtækinu Trackwell. Fyrirtækið var stofnað árið 1995 og sérhæfir sig í hugbúnaðarlausnum í tengslum við fjarskipti og staðsetningartækni. Um 300 íslensk fyrirtæki nýta sér þjónustu þess og fyrirtækið hefur selt vörur og þjónustu til 19 landa í fimm heimsálfum. Lesa meira

Samtök iðnaðarins hafa undanfarið bent á mikilvægi þess að bankarnir sinni atvinnulífinu. Margir félagsmenn hafa kvartað yfir að þeir séu svifaseinir, taki ekki ákvarðanir og bjóði óviðunandi kjör. Lesa meira

Notkun greiðslukorta snarminnkaði frá því í haust þegar bankahrunið varð hér á landi. Almenningur virðist forðast lántökur miðað við þá staðreynd að mun meiri samdráttur er í notkun kreditkorta. Strax í upphafi ársins 2008 dróst veltan saman sem gefur til kynna að þá hafi neysla landsmanna strax verið tekin að dragast saman. Lesa meira

Samstarfssamningur Háskóla Íslands og Samtaka iðnaðarins um Alþjóðamálastofnun HÍ var framlengdur í dag til ársloka ársins 2011. Samtökin sem hafa verið aðalbakhjarl Alþjóðamálastofnunar frá árinu 2002 skuldbinda sig til að styrkja stofnunina um 2,5 milljónir króna árlega. Lesa meira

Steypustöðin, sem er í eigu Glitnis og þar með ríkisins, kaupir sement frá Álaborg í Danmörku í stað þess að spara gjaldeyri og eiga viðskipti við Sementsverksmiðjuna á Akranesi. Þetta kom fram í frétt Stöðvar 2 á föstudag. Samtök iðnaðarins óttast danska einokun á sementsmarkaðnum hér á landi.

Lesa meira

Sóknarmöguleikar í málm- og véltækniiðnaði á Íslandi og á alþjóðamörkuðum voru til umfjöllunnar á fjölmennri ráðstefnu um framtíð málm- og véltækniiðnaðar á Íslandi. Mikill hugur og bjartsýni einkenndi hópinn á fundinum sem haldinn var á Grand Hótel Reykjavík síðastliðinn laugardaginn. Lesa meira