Íslenskir aðalverktakar hafa fengið heimild til að CE merkja steinefni sem framleitt er fyrir steinsteypu. Það er fyrsta fyrirtækið innan SI sem hlýtur vottunina. Eyjólfur Bjarnason, gæðastjóri ÍAV, segir að henni fylgi aukið eftirlit og auðveldara sé að bregðast við ef eitthvað fari úrskeiðis. Lesa meira

Yfir 150 viðburðir hjá ýmsum íslenskum hönnuðum verða í boði í tengslum við HönnunarMars, árlega hönnunardaga sem Hönnunarmiðstöðin stendur fyrir í fyrsta sinn.Viðburðirnir eru afar fjölbreyttir og er ætlað að vekja athygli almennings, fjölmiðla og stjórnvalda á íslenskum hönnuðum og hönnun þeirra. Lesa meira

Tvær ungar konur hlutu styrki til lokaverkefna í meistaranámi í Evrópufræðum sem Alþjóðamálastofnun og Samtök iðnaðarins afhentu í gær. Styrkirnir veita nemendum tækifæri til að tengja rannsóknarverkefni sín atvinnulífinu þannig að báðir aðilar hagnist. Lesa meira

Samgönguráðherra og Vegamálastjóri hafa samþykkt tvöföldun Suðurlandsvegar. Einum milljarði er ráðstafað í verkið á þessu ári. Fyrsti hluti þess, kaflinn milli Lögbergsbrekku og Litlu kaffistofunnar, verður boðinn út síðar á árinu. Heildarkostnaður er áætlaður í kringum 15,9 milljarðar króna. Lesa meira

Loftur Árnason, framkvæmdastjóri Ístaks og stjórnarmaður Samtaka iðnaðarins, varar við því að opinberir aðilar taki alltaf lægstu tilboðum verktaka. Fjöldi fyrirtækja bjóði í verk án þess að hafa bolmagn til þess og fari gjarnan á hausinn. Kostnaður verkkaupa við að ljúka verkinu verði því mun meiri en áætlað var. Lesa meira

Landsvirkjun og RES Orkuskóli hafa undirritað samstarfssamning á sviði orkurannsókna og kennslu til tveggja ára. Samningurinn snýr meðal annars að uppbyggingu á vatnsaflsbraut við skólann. Lesa meira

Viðskiptahugmynd Controlant sem byggir á ferilvöktun á ferskum matvælum varð hlutskörpast í frumkvöðlakeppni Innovit 21. mars síðastliðinn og hlaut þar með Gulleggið. Alls bárust yfir 100 hugmyndir í keppnina en tíu kepptu til úrslita.

Lesa meira

Alþingi samþykkti nýverið lög um að endurgreiða megi allan virðisaukaskatt (alls 100%) af vinnu á byggingarstað, bæði við nýsmíði og viðhald á íbúðarhúsnæði og sumarhúsum. Nýju lögin gilda til 1. janúar 2011. Lesa meira

Margir af opinberum verkkaupum gera kröfu til verktaka um að sýna fram á hæfni sína til stjórnunar verklegra framkvæmda við útboð áður en gengið er til samninga um verk. Ótrúverðugum bjóðendum þarf að vera hægt að vísa frá á tilboðsstigi. Gæðatrygging er að verða nauðsynleg fyrir verktaka sem hafa hug á að taka að sér framkvæmdir fyrir opinbera aðila.

Lesa meira

Draga mun úr þörf evrópskra fyrirtækja fyrir iðnmenntað starfsfólk til 2015. Á sama tíma mun þörfin aukast fyrir tæknimenntað háskólafólk. Þetta kemur fram í skýrslu CEDEFOP (Evrópsku starfsmenntastofnuninni) frá því í fyrra. Lesa meira

Orri Arnórsson hjá Bakstri og veislu fór með sigur af hólmi í nemakeppni Kornax í bakstri sem fram fór í Hótel- og matvælaskólanum í Kópavogi 20. mars síðastliðinn. Í öðru sæti varð Sævar Ingi Rúnarsson hjá Bakaríinu við brúnna og Axel Þorsteinsson hjá Kökuhorninu hafnaði í því þriðja. Lesa meira

Reynir Már Ásgeirsson var kjörinn nýr formaður Félags íslenskra gullsmiða á aðalfundi félagsins fyrir skömmu. Haukur Valdimarsson fráfarandi formaður lét af störfum.

Lesa meira

Hörður Árnason forstjóri Marel til tíu ára lætur af störfum hjá fyrirtækinu og við starfi hans tekur Theo Hoen sem gegnt hefur forstjórastöðu Stork Food Systems sem Marel keypti á síðasta ári. Stjórn Marel Food systems hefur komist að samkomulagi um breytingarnar.

Lesa meira

Afstaða samfélagsins til framkvæmda í Helguvík er mun jákvæðari en áður samkvæmt því sem Ragnar Guðmundsson, forstjóri Norðuráls, segir í Viðskiptablaðinu. Mikill almennur áhugi sé á að verkefnið nái fram að ganga, þó gagnrýnisraddir heyrist líka. Lesa meira

Fjöldi óseldra og tómra nýrra íbúða í Hafnarfirði er 444, þar af eru 228 fokheldar eða rúmlega það, en 216 fullbúnar. Margar fullbúnu íbúðanna eru í leigu, en teljast með þar sem þær eru á söluskrá. Þetta eru niðurstöður óformlegrar talningar formanns Meistarafélags iðnaðarmanna í Hafnarfirði. Lesa meira

Hugbúnaðarfyrirtækið Hugsmiðjan hefur gert samning við evrópsk samtök á heilbrigðissviði um ráðgjöf, hönnun og forritun nýs vefseturs sem vinnur gegn svikum og spillingu í Evrópu. Framkvæmdastjóri fyrirtækisins segir samninginn fela í sér mikla viðurkenningu á íslensku hugviti.

Lesa meira

Stjórn Samtaka iðnaðarins lýsir miklum vonbrigðum með að Seðlabanki Íslands skuli ekki ganga miklu lengra í lækkun stýrivaxta en ákveðið var í dag. Allar forsendur eru til þess að lækka vexti hraustlega. Fyrirtækin eru að kikna undan ofurvöxtunum og vaxtamunur milli Íslands og samkeppnislandanna er orðinn fáránlega mikill. Lesa meira

Jón Steindór Valdimarsson, framkvæmdastjóri SI, segir 1% stýrivaxtalækkun alltof litla. Mikil vonbrigði séu að Seðlabankinn skuli ekki hafa tekið stærra skref. Bankinn tilkynnti í morgun um lækkun stýrivaxta úr 18% í 17%. Lesa meira

Alþingi hefur samþykkt mikilvæga greiðsluaðlögun vegna greiðslu vörugjalda og aðflutningsgjalda í tolli. Samkvæmt lögunum er greiðslum ýmist skipt í tvennt eða þrennt. Lesa meira

Vefsetrið www.menntatorg.is er samastaður gagnlegra upplýsinga og ráðgjafar fyrir atvinnulausa. Þar má finna námsúrræði, upplýsingar um náms- og starfsráðgjöf og um raunfærnimat. Lesa meira

Ógnarháa vexti verður að kýla niður. Seðlabankastjórinn og peningastefnunefndin verða að sýna kjark og framsýni á fimmtudaginn. Lesa meira

Fastanefnd EFTA ríkjanna hefur samþykkt að Ísland fái undanþágu frá reglum Evrópusambandsins um akstur og hvíld atvinnubílstjóra. Sérstaða Íslands í samgöngumálum með tilliti til vegakerfis og aðstæðna atvinnubílstjóra til hvíldar þykir mjög frábrugðin því sem gerist á meginlandi Evrópu. Þá getur íslenskt veðurfar sett strik í reikninginn. Þetta kemur fram á vef SA. Lesa meira

Samtök iðnaðarins hafa gert könnun meðal stærstu félagsmanna sinna varðandi stöðu og horfur. Fram kom að uppsögnum síðustu mánaða sé að mestu lokið og starfsfólki hafi fækkað um 24% frá árunum 2007/2008, eða úr 14.911 í 11.337. Svör fengust frá 165 fyrirtækjum. Lesa meira

Alþingi samþykkti nýverið lög um 100% endurgreiðslu virðisaukaskatts af allri vinnu á byggingarstað íbúðarhúsnæðis. Lögin eiga við nýframkvæmdir og viðhald eldra íbúðarhúsnæðis auk vinnu við nýbyggingar, viðhald og viðbætur sumarbústaða. Þá er nýlunda að allar fasteignir sveitarfélaga falla undir lögin. Áður var endurgreiðslan 60%, en nýju lögin gilda til 1. janúar 2011.

Lesa meira

Íslenska fyrirtækið Mentis Cura hlaut í gær Nýsköpunarverðlaun Rannís, Nýsköpunarmiðstöðvar og Útflutningsráðs fyrir árið 2009. Fyrirtækið sérhæfir sig í þróun aðferða til greiningar á heilabilunum með heilaritum og nútímamyndgreiningartækni. Mentis Cura styður við greiningu Alzheimer sjúkdómsins og ofvirkni í börnum með viðamiklum rannsóknum og þróun reiknirita. Lesa meira

Úthlutunarnefnd á vegum umhverfisráðuneytisins óskar eftir tilnefningum til Kuðungsins, umhverfisviðurkenningar ráðuneytisins. Tilnefningarnar skulu snúa að fyrirtækjum eða stofnunum sem þykja verðug til að hljóta viðurkenninguna vegna verka sinna á síðasta ári. Lesa meira

Svokölluð örnámskeið voru vinsælust á Menntatorgi sem haldið var á vegum samstarfshóps um menntunarúrræði síðastliðinn föstudag. Boðið var upp á örnámskeið í parketlögnum, suðuþjálfun, raunfærnimati og kjötskurði. Námskeiðin eru um 45 mínútur hvert og voru afar vel sótt að sögn Hildar Elínar Vignis, framkvæmdastjóra Iðunnar. Lesa meira

Stjórnvöld verða að líta til þess að byggingariðnaður og mannvirkjagerð eru einar af undirstöðugreinum atvinnulífsins. Mikill samdráttur í greinunum hefur gríðarleg margfeldisáhrif og leiðir til enn frekari samdráttar í efnahagslífinu og minni hagvaxtar. Þetta segir Ásgeir Magnússon verkefnastjóri byggingarsviðs SI. Lesa meira

Þórólfur Matthíasson, prófessor við HÍ, hefur ritað grein í tilefni af ummælum sem Helgi Magnússon, formaður SI, lét falla í ræðu sinni á Iðnþingi þann 5. mars sl. Lesa meira

Það eru vissulega vonbrigði að Múrarameistarafélag Reykjavíkur hefur ákveðið að segja sig úr SI. Því miður óttast ég að úrsögnin sé hvorki SI né Múrarameistarafélaginu til heilla, segir Jón Steindór, framkvæmdastjóri SI. Lesa meira

GV Gröfur hafa staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. Guðmundur V. Gunnarsson, framkvæmdastjóri fyrirtækisins, segir að margir viðskiptavinanna, sérstaklega opinberir aðilar, séu farnir að gera kröfur um gæðakerfi. Lesa meira

Án stöðugleika er tómt mál að tala um heilbrigðan vöxt og sköpun verðmæta, en án verðmæta getum við ekki tryggt velsæld þegnanna. Þetta segir Jón Steindór Valdimarsson, framkvæmdastjóri SI, í riti Iðnþings 2009, Vöxtur og verðmæti – Mótum eigin framtíð.

Lesa meira

Á hverju ári gefst sex til sjö Íslendingum kostur á að fara í námsferð til Evrópu og er sérstök áhersla lögð á að aðilar vinnumarkaðarins nýti sér ferðirnar. Námsheimsóknirnar hafa verið sameinaðar og eru nú hluti af Menntaáætlun ESB. Umsóknarfrestur er til 9. apríl 2009. Lesa meira

Tryggja þarf að þeim árangri sem áunnist hefur í uppbyggingu öflugrar verktakastarfsemi hér á landi verði ekki kastað fyrir róða. Ásgeir Magnússon, verkefnastjóri byggingarsviðs SI, segir afar mikilvægt að ráða yfir öflugri verktakastarfsemi til að takast á við uppbyggingu í landinu. Lesa meira

Nálægt þrír af hverjum fjórum Íslendingum eru hlynntir því að taka upp aðildarviðræður við Evrópusambandið. Stuðningurinn við viðræður hefur ekki verið meiri í sex ár. Á hinn bóginn eru þeir nú fleiri sem segjast andvígir aðild en þeir sem segjast hlynntir aðild að ESB. Lesa meira

Þórður Magnússon, stjórnarformaður Eyrir Invest, sagði á Iðnþingi í dag að aðild okkar að Evrópusambandinu væri ekki valkostur heldur brýn nauðsyn. Lesa meira

Á Iðnþingi í dag lagði Össur Skarphéðinsson, iðnaðarráðherra, áherslu á mikilvægi þess að Íslendingar nýttu auðlindir lands og þjóðar. Lesa meira

Rannveig Rist, forstjóri Ísal í Straumsvík, segir það algeran misskilning að nýsköpun í atvinnulífinu og stóriðja fari ekki saman. Þetta kom fram í erindi hennar á Iðnþingi í dag. Lesa meira

Íslenskt samfélag á nú allt undir því að efldar verði stoðir atvinnustarfseminnar í landinu. Þetta kom fram í erindi Ólafs Ísleifsson hagfræðings á Iðnþingi. Lesa meira

Helgi Magnússon, formaður Samtaka iðnaðarins, sagði í ræðu sinni á Iðnþingi í dag að brýnasta forgangsatriðið núna væri að lækka vexti. „Núverandi vaxtastig er að kæfa atvinnulíf og heimili í landinu“ sagði Helgi og bætti við að verðbólga yrði að lækka hratt. Lesa meira

Ályktun Iðnþings Samtaka iðnaðarins 5. mars 2009 Lesa meira

Niðurstaða úr kjöri til stjórnar og ráðgjafaráðs Samtaka iðnaðarins liggja fyrir en kosningaþátttaka var 74,07% Lesa meira

Iðnþing Samtaka iðnaðarins var sent út beint á Grand Hóteli Reykjavík. Með því að smella á hnappinn hér til hliðar má sjá upptöku af beinni útsendingu frá þinginu. Lesa meira

Samkvæmt niðurstöðum Íslensku ánægjuvogarinnar eru viðskiptavinir Sparisjóðanna ánægðastir en kynnt var um niðurstöður í dag. Sparisjóðurinn var einnig í fyrsta sæti í flokki banka og sparisjóða, en Tryggingamiðstöðin var hlutskörpust í flokki tryggingarfélaga, Hitaveita Suðurnesja í flokki rafveitna og ÁTVR í flokki smávöruverslana. Lesa meira

Á aðalfundi Meistarafélags iðnaðarmanna í Hafnarfirði var kjörin ný stjórn en fundurinn fór fram 13. febrúar síðastliðinn. Á fundinum flutti Páll Skúlason fyrrverandi rektor Háskóla Íslands fyrirlestur og minnti menn á að líta björtum augum á lífið. Lesa meira

Landssamband bakarameistara styður Mæðrastyrksnefnd Reykjavíkur með sölu á Hjálparsnúðnum dagana 5.-8. mars í bakaríum um land allt. Af andvirði hvers snúðs renna 25 krónur til nefndarinnar. Lesa meira

Véla- og skipaþjónustan Framtak hlaut í gær tæplega fimm milljóna króna styrk til að kenna 13 nemum í rennismíði. Bjarni Thoroddsen, framkvæmdastjóri Framtaks, tók við styrknum úr hendi Jóns Steindórs Valdimarssonar, framkvæmdastjóra SI. Lesa meira

Iðnþing Samtaka iðnaðarins sem fram fer á Grand Hóteli Reykjavík í dag verður í beinni útsendingu á netinu. Þetta er í fyrsta sinn sem hægt verður að fylgjast með opinni dagskrá þingsins beint hér á vef Samtakanna. Iðnþingið stendur yfir frá klukkan 13:00 til 16:00. Lesa meira