Hagtölur iðnaðarins í breyttri mynd

Ákveðið hefur verið að hætta útgáfu dagbókar Samtaka iðnaðarins sem meðal annars hefur innihaldið hagtölur iðnaðarins. Þar hafa margvíslegar upplýsingar um iðnað verið til staðar og þær settar í samhengi við aðrar atvinnugreinar. Aukin áhersla verður í framtíðinni lögð á reglubundna umfjöllun um stöðu iðnaðar hér á vefnum þar sem hagtölum iðnaðarins verða einnig gerð ítarlegri skil. Þeim breytingum komið á eftir því sem vinnu við endurnýjun vefsetursins líður.

Áfram verður markmiðið að auka almenna þekkingu á vægi og stöðu iðnaðar í samfélaginu. Einnig verður fjallað á víðtækan hátt um starfsskilyrði iðnaðarins og almennt um stöðu efnahagslífsins.

Með þessum breytingum er annars vegar verið að auka reglubundna birtingu á einstökum hagtölum sem lýsa stöðu iðnaðar og hins vegar að auka fjölbreytni á vefsetri Samtakanna.

Félagsmönnum er bent á að þær upplýsingar sem birtar eru á vefsetri SI eru ekki tæmandi um stöðu og starfsskilyrði iðnaðarins. Bjarni Már Gylfason, hagfræðingur SI, veitir ráðgjöf og frekari upplýsingar á þessu sviði.

Í framtíðinni munu hagtölur birtast á eftirfarandi hátt. Ef smellt er á myndirnar hér fyrir neðan opnast taflan í pdf skjali.