Vélavísitala Vegagerðarinnar

Vísitölur fyrir rekstrarkostnað vörubíla og vinnuvéla Vegagerðarinnar

Samtök iðnaðarins birta í samvinnu við Vegagerðina vísitölur fyrir rekstrarkostnað vörubifreiða og tækja sem eru í eigu Vegagerðarinnar. Vegagerðin reiknar vísitölurnar á grunni kostnaðarbókhalds stofnunarinnar og eru hlutföll eða vægi einstakra kostnaðarliða ákvörðuð samkvæmt reynslu hennar. Vakin er sérstök athygli á að bæði kostnaður og hlutföll einstakra kostnaðarliða eru mismunandi frá einum rekstararaðila til annars. Þannig mæla vísitölurnar aðeins verðlag á rekstri tækja og vörubifreiða Vegagerðarinnar og eiga að meðhöndlast sem slíkar. Þessar vísitölur eru því enginn allsherjar sannleikur um rekstrarkostnað, fremur vísbending um þróun verðlags á rekstri vinnuvéla og bifreiða.

Vísitölur eru reiknaðar í lok hvers mánaðar.

Vakni spurningar um vísitölurnar er vísað til Árna Jóhannssonar forstöðumanns mannvirkjasviðs SI í síma 591 0119.

Senda síðu