Fréttasafn (Síða 252)
Fyrirsagnalisti
Mat opinberra verkkaupa á hæfi bjóðenda í útboðum á verkframkvæmdum
Undirrituð var yfirlýsing í gær þann 10. desember 2012 af Framkvæmdasýslu ríkisins, Samtökum iðnaðarins, Umhverfis- og skipulagssviði Reykjavíkurborgar og Vegagerðinni um hæfi bjóðenda í útboðum á verkframkvæmdum. Verkkauparnir lýsa því jafnframt yfir að þeir muni vinna í samræmi við ákvæði þessa skjals í útboðum á þeirra vegum.
Ákvæði í nýrri byggingarreglugerð þarfnast nánari skoðunar og endurbóta
Umhverfisráðherra hyggst bregðast við ákalli um að draga úr kostnaði vegna nýrra byggingarreglugerðar. Samtök iðnaðarins hafa sent umsögn um breytingarnar til Mannvirkjastofnunar. Þó að að mjög margt sé til bóta í breytingartillögum á reglugerðinni eru enn ákvæði í henni sem þarfnast nánari skoðunar.
Íslensku EGF húðdroparnir mest selda snyrtivaran hjá evrópskum flugfélögum
Íslensku EGF húðdroparnir frá Sif Cosmetics eru mest selda snyrtivaran í flugvélum Lufthansa, Air France og Swiss og í öðru sæti í vélum British Airways. Þessi árangur hefur náðst í samkeppni við heimsþekkt vörumerki eins og Estée Lauder, L‘Oreal, Guerlain og La Prairie.
Íslensk iðnfyrirtæki munu bera stærstan hluta vörugjalda á matvæli
Breytt fyrirkomulag við innheimtu vörugjalda af sykruðum matvælum breytir ekki þeirri staðreynd að íslensk iðnfyrirtæki munu bera stærstan hluta vörugjalda á matvæli. Framkvæmd kerfisins sem lagt er til í nýju frumvarpi er afar flókin og því skiptir öllu að vandað verði til verka.
Ný reglugerð - Kostnaðaráhrif
Síðasti fundurinn í fundaröð SI og fleiri aðila um nýja byggingarreglugerð var haldinn á Suðurlandi sl. föstudag. Meðal þess sem fjallað hefur verið um er kostnaðaraukning sem fylgir nýjum mannvirkjalögum og byggingareglugerð. Friðrik Á. Ólafsson, SI og Guðrún Ingvarsdóttir, verkefnastjóri þróunarverkefna hjá Búseta skrifuðu grein um málið sem birtist í Fréttablaðinu í dag.
Hvað er best fyrir Ísland?
Svana Helen Björnsdóttir, formaður SI fjallar um Evrópumálin í grein í Fréttablaðinu í dag þar sem hún segir m.a. að það hafi verið gildar ástæður fyrir því að stjórnvöld á Íslandi ákváðu að sækja um aðild að ESB. Meginástæðan er sú að það mun stuðla að efnahagslegum stöðugleika sem sárlega hefur skort hér á landi. Önnur mikilvæg ástæða er sú að við yrðum þá fullgildir þátttakendur í öllu samstarfi Evrópusambandsþjóða.
Forstjóri Fjarðaáls meðal fremstu kvenstjórnenda ársins
Janne Sigurðsson, forstjóri Alcoa Fjarðaáls, hlaut nýlega Stevie-gullverðlaunin sem forstjóri ársins í hópi kvenna í atvinnurekstri í Evrópu, Mið-Austurlöndum og Afríku. Verðlaunaafhendingin fór fram í New York fyrr í mánuðinum.
Völundur – sjónvarpsþættir um nýsköpun í iðnaði
Samtök iðnaðarins stóðu fyrir gerð fimm forvitnilegra og fjölbreyttra sjónvarpsþátta um nýsköpun og þróunarstarf í íslenskum iðnaði í samstarfi við Ara Trausta Guðmundsson og kvikmyndafyrirtækið Lífsmynd. Leitað var fanga hjá sextán fyrirtækjum í afar ólíkum iðngreinum, allt frá kaffi- og ullariðnaði til tölvu- og véltæknigreina.
63% af bókatitlum prentaðir á Íslandi
Bókasamband Íslands hefur gert könnun á prentstað íslenskra bóka sem getið er í Bókatíðindum Félags íslenskra bókaútgefenda 2012. Fjöldi titla sem prentaðir eru innanlands dragast saman um rúmlega 5 prósentustig milli ára en árið 2011 var 68% hlutfall á prentun bókatitla innanlands.
Góð eftirspurn eftir vörum og vilji til að auka útflutning
Haldinn var fjölmennur kynningarfundur á vegum Íslandsstofu á kortlagningarvinnu upplýsingatæknigeirans en rúmlega áttatíu manns úr faginu mættu til að kynna sér helstu niðurstöður vinnunnar. Góð eftirspurn er eftir vörum og þjónustu íslenskra upplýsingatæknifyrirtækja og 80% fyrirtækjanna telja að hægt sé að auka útflutning enn frekar.
Kjarnafæði hlýtur D, C og B - vottun
Kjarnafæði hefur staðist úttekt á fyrsta, öðru og þriðja þrepi áfangaskiptrar gæðavottunar Samtaka iðnaðarins og hlotið D og C og B vottun. Eðvald Sveinn Valgarðsson, gæða- og innkaupastjóri Kjarnafæðis segir að miðað við framtíðarstefnu fyrirtækisins skipti öllu máli að hafa gæðamálin í fyrsta sæti.
Úthlutun Tækniþróunarsjóðs haust 2012
Alls bárust 87 umsóknir í Tækniþróunarsjóð vegna umsóknarfrests sem rann út 15. september síðastliðinn. Á fundi 22. nóvember ákvað stjórn Tækniþróunarsjóðs að bjóða verkefnisstjórum 30 verkefna að ganga til samninga. Lista yfir verkefnin má nálgast hér.
Frumkvöðlafyrirtæki útnefnd til verðlauna
Hugbúnaðarfyrirtækið Meniga sigraði í flokki íslenskra fyrirtækja í þremur flokkum í frumkvöðlasamkeppni Norðurlanda, Nordic Start-up Awards. Meniga var útnefnd sprotafyrirtæki ársins, hlaut verðlaun fyrir bestan árangur á alþjóðlegum markaði auk þess sem Georg Lúðvíksson, stofnandi og framkvæmdastjóri fyrirtækisins, hlaut nafnbótina stofnandi ársins.
Mat á kostnaðaráhrifum nýrrar byggingareglugerðar kynnt á opnum fundi í dag
Samtök iðnaðarins, ásamt Mannvirkjastofnun og fleiri aðilum, hafa undanfarnar vikur staðið fyrir fundum víða um land fyrir hönnuði, tæknimenn, iðnaðarmenn og eftirlitsaðila um nýja byggingareglugerð, samræmingu eftirlits og leiðir tilaukinna samskipta innan byggingageirans.
Íslenskur tölvuleikur úr Twilight kvikmyndunum
Íslenska tölvuleikjafyrirtækið Plain Vanilla hefur í samstarfi við Summit Entertainment gefið út tölvuleikinn Twilight QuizUp, þar sem aðdáendur kvikmyndanna geta keppt sín á milli í Twilight fróðleik.
AVS rannsóknasjóður í sjávarútvegi - úthlutun styrkja 2013
AVS rannsóknasjóður auglýsir eftir umsóknum um styrki til verkefna tengdum sjávarútvegi. Umsóknarfrestur er til 3. desember nk. AVS rannsóknasjóður starfar á vegum atvinnuvega- og nýsköpunarráðuneytisins og tekur á móti umsóknum um styrki til verkefna, sem auka verðmæti sjávarfangs.
Fjárfesting í nýsköpunarfyrirtækjum veiti skattaafslátt
Samtök atvinnulífsins leggja til að skattaafsláttur vegna hlutabréfakaupa í nýsköpunarfyrirtækjum verði tekinn upp. Svana Helen Björnsdóttir, formaður Samtaka iðnaðarins og forstjóri Stika, talaði fyrir tillögunni á fundi SA um skattamál þann 9. nóvember sl. en SI hafa lagt mikla áherslu á að tillagan verði að veruleika.
Seðlabankinn hækkar vexti
Peningastefnunefnd Seðlabanka Íslands hefur ákveðið að hækka vexti bankans um 0,25 prósentur þrátt fyrir að þjóðhagsspá Seðlabankans bendi til nokkru minni hagvaxtar og lægri verðbólgu en spáð var í ágúst. Bjarni Már Gylfason, hagfræðingur SI segir hækkunina ekki óvænta miðað við stefnu bankans, en hún sé hins vegar þveröfug við stefnu seðlabanka nágrannaríkjanna.
Menntaskólinn í Reykjavík sigraði í BOXINU
BOXIÐ – framkvæmdakeppni framhaldsskólanna fór fram í Háskólanum í Reykjavík sl. laugardag. Átta skólar tóku þátt í æsispennandi keppni sem lauk með sigri Menntaskólans í Reykjavík. Markmið keppninnar sem nú var haldin í annað sinn er að kynna og vekja áhuga á tækni, tækninámi og störfum í iðnaði.
Hagvexti hamlað með niðurskurði til háskóla
Allir eru sammála um mikilvægi öflugrar menntunar fyrir verðmætasköpun og lífskjör. Því skýtur það skökku við að stjórnvöld skuli ítrekað fara þá leið, þvert á ráðleggingar sérfræðinga, að skera niður fjárframlög til háskóla. Svana Helen Björnsdóttir skrifaði grein í Fréttablaðið sl. föstudag.
Síða 252 af 287