ÁHÆTTUGREINING Hér til hliðar má sjá þau ferli sem fara þarf í gegnum við hættumat. Fyrir hvern verkþátt þarf að gera heildar áhættumat á helstu þáttum vinnuumhverfisins. Meta þarf: · Vinnusvæði og gönguleiðir · Vinnuaðstöðu og vinnuaðferðir · Vinnu við vélar og tæki · Notkun og geymslu efna · Umhverfisþætti – veður/sjólag, hita/kulda, birtu, hávaða, o.s.frv. · Líkamsbeitingu og líkamlegt álag · Félagslegt vinnuumhverfi og andlega þætti Við áhættumat er lagt til að notað sé eyðublað 5-G18-0120 en einnig er hægt að styðjast við aðferðafræði sem kynnt er á vef VER ásamt viðeigandi eyðublöðum fyrir ýmsar atvinnugreinar. Hver verkþáttur er tekinn fyrir og vinnuaðstæður skoðaðar. Við hvern verkþátt skal skrá þá hættu sem talin er vera til staðar og mögulegar orsakir fyrir hættunni. Reiknið út áhættu (líkur*alvarleiki) og skráið þær forvarnir/úrbætur sem þarf að gera til að minnka hættuna. Þar sem áhættan er mjög mikil (10-25) þarf að bregðast strax við og koma á úrbótum eða viðhafa forvarnir til að minnka áhættuna. Hættumatið þarf að varðveita um í viðkomandi deild og vera kunnugt öllum starfsmönnum og stjórnendum.
	Samkvæmt reglugerð nr. 920/9 nóv.2006 kafla VIII „um áætlun um öryggi og heilbrigði og heilsufarsskoðanir.” skal vinnuveitandi sjá til þess að framkvæmt sé hættumat vegna öryggis og hollustu á vinnustað. Reglugerð þessi gildir um alla starfsemi þar sem einn eða fleiri menn vinna, hvort sem um er að ræða eigendur fyrirtækja eða starfsmenn.