Aðalfundur Félags vinnuvélaeigenda
Aðalfundur Félags vinnuvélaeigenda verður miðvikudaginn 7. október 2020 kl. 17.00. Í ljósi aðstæðna verður fundurinn haldinn með rafrænum hætti. Fundargestir fá hlekk í tölvupósti 6. október til að komast inn á fundinn.
Skráningu á fundinn þarf að vera lokið þriðjudaginn 6. október kl. 12.00. Ástæðan er sú að staðfesta þarf að fundargestir séu örugglega félagar í Félagi vinnuvélaeigenda. Skráningarhlekkur er hér fyrir neðan.
Áður en formleg aðalfundarstörf hefjast mun Rafn Magnús Jónsson, verkefnastjóri/kennari hjá Tækniskólanum, kynna fyrirhugað nám í jarðvirkjun við Tækniskólann en félagið hefur unnið að því verkefni, ásamt samstarfsaðilum, sl. starfsár.
Í samræmi við lög félagsins er dagskrá fundarins eftirfarandi:
1. Formaður skýrir frá störfum félagsins á liðnu ári
2. Féhirðir leggur fram endurskoðaða reikninga félagsins
3. Ákveðin árgjöld fyrir næsta ár
4. Kosinn formaður; varaformaður og stjórn
5. Kosnir tveir skoðunarmenn reikninga
6. Kosning í starfsnefndir félagsins
7. Önnur mál