Aðalfundur Meistarafélags húsasmiða
Aðalfundur Meistarafélags húsasmiða, MFH, verður haldinn fimmtudaginn 2. júní kl. 12.00 í Húsi atvinnulífsins í Borgartúni 35.
Dagskrá aðalfundar er í samræmi við 19 grein í lögum MHF:
19. grein
Aðalfundur hefur æðsta vald í öllum félagsmálum, innan þeirra takmarka er lög þessi ákveða. Aðalfund skal halda eigi síðar en í maímánuði ár hvert og skal boða til hans með minnst tveggja vikna fyrirvara með bréfi, tölvupósti, auglýsingum í blöðum eða á annan sannanlegan og tryggilegan hátt. Aðalfundur er löglegur ef löglega er til hans boðað og 20 félagsmenn eru á fundi.
Þessi eru störf aðalfundar:
1. Upplestur fundargerðar síðasta aðalfundar og samþykkt
2. Skýrsla félagsstjórnar
3. Skýrsla nefnda, ef við á
4. Lagðir fram skoðaðir reikningar fyrir liðið starfsár
5. Ákvörðun um ráðstöfun tekjuafgangs
6. Breyting á lögum og skipulagsskrám, er fyrir liggja
7. Ákvörðun um upphæð félagsgjalds
8. Lýsa kjöri stjórnar eða kosning stjórnar ef við á
9. Kosning skoðunarmanna, trúnaðarmannaráðs og uppstillingarnefndar
10. Önnur mál
Undir liðnum önnur mál verður áhugaverð kynning sem verður nánar auglýst síðar.
Frá kl 11.30 verður boðið upp á hádegisverð fyrir fundargesti.
Skráningarhlekkur: https://forms.office.com/Pages/ResponsePage.aspx?id=JlUQWdstA0OrIpQqRhHcDKEfIFY82PdMrP0IL8rGasRUNTdQSUJVUEFPU04wTFA4OTI4TzQyWE40VC4u