Samtök iðnaðarins standa fyrir fundi um drög að reglugerð um notkun íslenska fánans þriðjudaginn 29. nóvember kl. 15.00 í Húsi atvinnulífsins í Borgartúni 35, í fundarsalnum Kviku á 1. hæð.
Drög að reglugerð um notkun þjóðfána Íslendinga við markaðssetningu á vöru og þjónustu hafa nú verið birt á vef innanríkisráðuneytisins. Hægt er að senda ráðuneytinu umsagnir um reglugerðardrögin til og með 5. desember næstkomandi. Tilgangur fundarins á þriðjudaginn er að fræða félagsmenn SI um lögin og reglugerðina og að fá fram sjónarmið sem þurfa að koma fram í umsögn samtakanna.
