Per­sónu­vernd í tækni- og hug­verka­iðn­aði

​Samtök iðnaðarins og Persónuvernd standa fyrir fundi um persónuvernd í tækni- og hugverkaiðnaði miðvikudaginn 11. nóvember kl. 13-14 í Húsi atvinnulífsins, Borgartúni 35.

Á þessum viðburði verður farið yfir hlutverk Persónuverndar, meginstoðir persónuverndarlöggjafarinnar og þær reglur sem fyrirtæki þurfa að þekkja og hafa í huga í starfsemi sinni. Þá verður fjallað um áskoranir fyrirtækja í tengslum við persónuvernd og hvernig persónuvernd getur stutt við ábyrga nýsköpun og þróun nýrra lausna.

Með hagnýtum dæmum munum við sýna hvernig fyrirtæki og frumkvöðlar geta beitt reglunum í reynd, meðal annars við framkvæmd mats á áhrifum á persónuvernd (MÁP), þegar slíkt mat er nauðsynlegt.

Gestum gefst jafnframt kostur á að bera upp spurningar og fá leiðbeiningar.

Vinnustofur verða síðan haldnar á nýju ári þar sem farið verður ítarlegar í einstaka efnisatriði og hagnýt raunhæf dæmi.

Nánari upplýsingar: freyr@si.is, hulda@si.is

Hér er hægt að skrá sig á fundinn.