Beint í efni

Stjórn Samtaka rafverktaka heimsækir Norðurál

Framkvæmdastjóri og starfsfólk Norðuráls tóku á móti stjórn Samtaka rafverktaka fyrir skömmu.

Sart

Stjórn Samtaka rafverktaka, SART, heimsótti Norðurál á Grundartanga fyrir skömmu. Stjórnarmenn fengu þar góða kynningu á starfsemi fyrirtækisins. Að henni lokinni var farið í skoðunarferð um kerskála og steypuskála álversins.

Álverið á Grundartanga framleiðir rúmlega 300.000 tonn af áli á ári og hjá Norðuráli starfa yfir 700 manns. Útflutningsverðmæti fyrirtækisins nam rúmlega 101 milljarði króna árið 2025 eða um 11% af heildarútflutningsverðmætum Íslands það ár.

Í álveri af þessari stærð eru raforka og rafbúnaður undirstaða alls rekstrarins. Heimsóknin gaf stjórninni því dýrmæta innsýn í umfang og kröfur starfseminnar og þau tækifæri sem þar eru fyrir rafiðnaðinn.

Stjórn SART þakkar Norðuráli kærlega fyrir höfðinglegar móttökur og fróðlega kynningu.

Sart
Stjórn SART ásamt starfsfólki Norðuráls.
Sart
Þau sem tóku á móti stjórn SART, Sigrún Helgadóttir, framkvæmdastjóri Norðuráls Grundartanga, Fjalar Ríkharðsson, framkvæmdastjóri kerskála, Baldur Bjarnason, framkvæmdastjóri tæknisviðs, og Sigríður Harðardóttir, framkvæmdastjóri mannauðssviðs.