Þjóðargjöf, 550 eintök af nýrri heildarútgáfu Íslendingasagna og þátta sem út kom í tilefni af aldarafmæli fullveldis Íslands, var afhent í Safnahúsinu fyrir skömmu. Samtök iðnaðarins eru meðal bakhjarla þjóðargjafarinnar og var Árni Sigurjónsson, formaður SI, viðstaddur athöfnina fyrir hönd samtakanna.
Á viðburðinum fluttu ávörp forseti Íslands, Guðni Th. Jóhannesson, Lilja Dögg Alfreðsdóttir, menningar- og viðskiptaráðherra, Jóhann Sigurðsson, útgefandi, og Snorri Másson, málfræðingur og fréttamaður, að viðstöddum gestum. Í þeim hópi voru Vigdís Finnbogadóttir, fyrrverandi forseti, fulltrúar þeirra fyrirtækja og stofnana sem eru bakhjarlar þjóðargjafarinnar og aðrir vildarvinir menningararfsins. Gísli Sigurðsson, rannsóknarprófessor við Stofnun Árna Magnússonar í íslenskum fræðum, stýrði viðburðinum. Að afhendingu lokinni var boðið upp á kaffiveitingar.
Á vef Stjórnarráðsins er hægt að nálgast frekari upplýsingar.
Myndir/BIG
Gísli Sigurðsson, rannsóknarprófessor við Stofnun Árna Magnússonar í íslenskum fræðum, Jóhann Sigurðsson, útgefandi, Lilja Dögg Alfreðsdóttir, menningar- og viðskiptaráðherra, frú Vigdís Finnbogadóttir og Guðni Th. Jóhannesson, forseti Íslands.
