Nýsköpunarmót Álklasans fór fram fyrir fullum sal í gær í stofu M105 í Háskólanum í Reykjavík. Fjölmörg framsöguerindi voru flutt og boðið var upp á örkynningar bæði fyrirtækja og nemenda. Fundarstjóri var Bryndís Skúladóttir, sviðsstjóri framleiðslusviðs Samtaka iðnaðarins. Að erindunum loknum voru hvatningarverðlaun veitt fjórum nemum á háskólastigi.
Að mótinu standa Háskólinn í Reykjavík, Háskóli Íslands, Samtök iðnaðarins, Nýsköpunarmiðstöð Íslands, Samál og Álklasinn.
