Framlengdur frestur vegna Umhverfisverðlauna atvinnulífsins
Frestur til að skila inn tilnefningum vegna Umhverfisverðlauna atvinnulífsins hefur verið framlengdur til 12. september. Veitt eru tvenn verðlaun; umhverfisfyrirtæki ársins og framtak ársins. Dómnefnd velur úr tilnefningum en til að tilnefning teljist gild þurfa fyrirtæki að uppfylla sett viðmið og rökstuðningur þarf að fylgja.
Tilnefna þarf fyrirtæki sérstaklega undir hverjum flokki en einnig er hægt að tilnefna fyrirtæki fyrir báða flokka.
Athugið að einungis er hægt að tilnefna skráð aðildarfyrirtæki Samtaka atvinnulífsins og aðildarfélaga til Umhverfisverðlauna atvinnulífsins.
Verðlaunin verða veitt á Umhverfisdegi atvinnulífsins sem fer fram 22. október. Að deginum standa Samtök atvinnulífsins, Samtök iðnaðarins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi og Samtök verslunar og þjónustu.
Hér er hægt að tilnefna fyrirtæki.
Myndin er frá afhendingu Umhverfisverðlauna atvinnulífsins 2023 þegar CRI fékk viðurkenningu fyrir framtak ársins.