Indverskt-íslenskt viðskiptaþing
Í tilefni af opinberri heimsókn Ram Nath Kovind, forseta Indlands, er efnt til indversk-íslensks viðskiptaþings miðvikudaginn 11. september á Hótel Hilton Reykjavík Nordica kl. 9.30. Forsetanum fylgir 36 manna viðskiptasendinefnd, skipuð fulltrúum breiðs hóps indverskra fyrirtækja. Kovind Indlandsforseti og Guðni Th. Jóhannesson, forseti Íslands, munu ávarpa þingið auk þess sem fjallað verður um sóknarfæri í viðskiptum ríkjanna. Í hádegisverði að loknu þinginu og eftir hann gefst íslenskum fyrirtækjum kostur á að funda með fulltrúum indverskra fyrirtækja. Viðskiptaþingið er því einstakt tækifæri fyrir íslensk fyrirtæki til að kynnast indversku viðskiptalífi og afla sér viðskiptasambanda.
Skipuleggjendur þingsins eru Íslensk-indverska viðskiptaráðið, sem Félag atvinnurekenda rekur, Samtök iðnaðarins og Íslandsstofa, auk ASSOCHAM, Associated Chambers of Commerce and Industry of India, og CII, Condfederation of Indian Industry.
Skráning á þingið fer fram á vef Félags atvinnurekenda. Skráningu lýkur kl. 12 þriðjudaginn 10. september.
Breiður hópur indverskra fyrirtækja
Í viðskiptasendinefndinni eru fjárfestar og fyrirtæki í fjármálaþjónustu, fasteignafélög og fyrirtæki í stáliðnaði, innviðaframkvæmdum og byggingariðnaði. Í sendinefndinni eru jafnframt fulltrúar lista og hönnunar, skartgripahönnunar og -framleiðslu, þróunarsamstarfs, heilsueflingar, heilbrigðisþjónustu og lyfjaframleiðslu. Einnig má nefna fyrirtæki í matvælaiðnaði, svo sem framleiðslu mjólkurvara, sjávarafurða og umhverfisvænna umbúða. Þá eru í sendinefndinni forystumenn fyrirtækja á sviði endurnýjanlegrar orku, fjarskiptabúnaðar, fjölmiðla, prentunar, upplýsingatækni og hugbúnaðar. Fyrirtæki í flugi, skipaflutningum og ferðaþjónustu eiga sína fulltrúa. Auk þess eru forystumenn helstu samtaka indversk viðskiptalífs með í för.
Dagskrá
Dagskrá viðskiptaþingsins, sem fer fram á ensku, er eftirfarandi:
09:30 – 09:50 Registration of participants
09:50 All participants take their seats
09:55 Welcome address by Moderator
10:00 – 10:30 Inaugural Session
– Ms. Guðrún Hafsteinsdóttir, Chairman, The Federation of Icelandic Industries (5 min)
– Mr. Balkrishan Goenka, President, ASSOCHAM and Chairman, Welspun Group (5 min)
– H.E Mr. Guðni Thorlacius Jóhannesson, Hon'ble President of Iceland (10 min)
– H.E. Mr. Ram Nath Kovind, Hon'ble President of the Republic of India (10 min)
10:30 – 10:40 Exchange of the Memorandum of Understanding between the chambers
- ASSOCHAM and The Icelandic Federation of Trade (FA)
- ASSOCHAM and The Federation of Icelandic Industries (SI)
- The Indo-Icelandic Business Association and The Icelandic-Indian Trade Council (ÍIV)
10:45 – 11:00 Break
11:00 – 12:15 Business Session
“Why Invest in Iceland” (15 min) – Bala Kamallakharan, Chairman, Icelandic – Indian Trade Council
“Investment and regulatory framework in Iceland” – Arnar Guðmundsson, Project Manager, Invest in Iceland (15 min)
“Business Opportunities in India – Overview”– Alban Lucian Rodricks, Resident Director, CIS Bureaus Facility Services Private Limited (15 Min)
Success stories
Mr. Prasoon Dewan, chairman, The Indo-Icelandic Business Association (7 min)
Mr. Gireendra Kasmalkar, Founder Director and CEO, Ideas to Impacts Innovations (7 min)
12:15 – 13:15 Buffet Lunch
13:15 – 14:15 B2B meetings
Moderator: Mr. Ólafur Stephensen, Secretary General of The Icelandic Federation of Trade