Námskeið um neyðarlýsingarstaðla
Staðlaráð Íslands stendur fyrir námskeiði um neyðarlýsingarstaðla miðvikudaginn 8. maí næstkomandi fyrir hönnuði brunakerfa, lýsingarhönnuði, raflagnahönnuði, arkitekta, innanhússarkitekta, verkfræðinga, rafvirkja, úttektaraðila og viðhaldsmenn neyðarlýsingarkerfa. Markmið námskeiðsins er að þátttakendur þekki helstu neyðarlýsingarstaðla og geti notfært sér þá við hönnun, uppsetningu, úttekt og viðhald á neyðarlýsingarkerfum. Námskeiðið fer fram í Skúlatúni 2. Leiðbeinandi er Rósa Dögg Þorsteinsdóttir, lýsingarhönnuður og formaður Ljóstæknifélags Íslands.
Á vef Staðlaráðs er hægt að skrá sig.