Fréttasafn



30. jún. 2020 Almennar fréttir Umhverfis og orkumál

Óskað eftir tilnefningum vegna umhverfisverðlauna

Opnað hefur verið fyrir tilnefningar til Umhverfisverðlauna atvinnulífsins 2020 sem verða afhent á Umhverfisdegi atvinnulífsins í Hörpu miðvikudaginn 14. október. Hægt er að senda inn tilnefningar fram til 11. september með tölvupósti á netfangið sa@sa.is merkt „Tilnefning til umhverfisverðlauna atvinnulífsins“.

Veitt verða tvenn verðlaun til fyrirtækja sem hafa staðið sig vel í umhverfismálum. Annars vegar verður umhverfisfyrirtæki ársins og hins vegar framtak ársins verðlaunað. Dómnefnd velur úr tilnefningum og mun meðal annars skoða eftirfarandi þætti:

Umhverfisfyrirtæki ársins

  • Hefur innleitt umhverfisstjórnunarkerfi
  • Hefur aflað viðurkenninga fyrir starfsemina/afurðirnar
  • Hefur sjálfbæra nýtingu í stefnu sinni
  • Hefur dregið úr úrgangi og nýtir aðföng vel
  • Innra umhverfi er öruggt
  • Áhættumat hefur verið gert fyrir starfsemina
  • Gengur lengra en lög og reglur segja til um til að draga úr áhrifum starfseminnar á umhverfið

Framtak ársins

  • Hefur efnt til athygliverðs átaks til að draga úr umhverfisáhrifum af starfsemi sinni
  • Hefur komið fram með nýjung – vöru, þjónustu eða aðferð sem hefur jákvæð umhverfisáhrif

Að verðlaununum standa Samtök atvinnulífsins, Samtök ferðaþjónustunnar, Samtök fyrirtækja í sjávarútvegi, Samtök fjármálafyrirtækja, Samtök iðnaðarins, Samorka, og Samtök verslunar og þjónustu.

NM-001558-SA-umhverfisverdlaun-2020-4x30-mynd