Lífeyrismál voru í brennidepli á hádegisfundi Málarameistarafélagsins sem haldinn var á dögunum í Húsi atvinnulífsins. Björn Berg Gunnarsson, sérfræðingur í fjármálum og lífeyrismálum, var fyrirlesari fundarins.
Björn fór yfir ýmis atriði sem vert er að huga að við undirbúning fyrir framtíðina og fræddi félagsmenn um lífeyrismál á aðgengilegan hátt. Erindið talaði til félagsmanna á öllum aldri, enda kom fram á fundinum að gagnlegt væri að kynna sér stöðu sína og möguleika óháð því hversu langt er í starfslok.
Fundurinn var vel sóttur og almenn ánægja var meðal félagsmanna með fræðsluna.






