Fulltrúi SI, Þorgils Helgason, viðskiptastjóri á mannvirkjasviði SI, heimsótti nýverið Blikksmiðinn í nýjar höfuðstöðvar fyrirtækisins að Bæjarflöt 2. Þar hafa þrjár starfsstöðvar verið sameinaðar í eina í stóru og glæsilegu húsnæði.
Ingvar Hermannsson, einn eigenda Blikksmiðsins, tók á móti Þorgils og sýndi honum húsakynnin og starfsemina. Nóg er að gera hjá tæplega 80 starfsmönnum fyrirtækisins, sem hefur verið félagsmaður í Félagi blikksmiðjueigenda um árabil. Blikksmiðurinn sinnir alverktöku á loftræsikerfum og leggur áherslu á heildarlausnir fyrir sína viðskiptavini með tæknideild og þjónustudeild innanhúss auk blikksmiðjunnar.
Samtök iðnaðarins óska Blikksmiðnum til hamingju með nýju húsakynnin og þakka fyrir ánægjulega heimsókn.
