Árangur X Hugvit verkefnis metið
Hugverkaráð SI fundaði síðastliðinn föstudag og var farið yfir árangur af átaksverkefninu X Hugvit. Markmið átaksins var að málefni X Hugvits kæmu fram í stefnuskrá nýrrar ríkisstjórnar. Í greiningu sem unnin var á hugverkasviði SI kemur fram að mikið af málefnum X Hugvits komi þar fram, skapandi greinar séu rauður þráður, vísbendingar séu um áhuga á málefnum X Hugvits, mikill áhugi sé á framþróun í menntamálum sér í lagi í tengslum við tækni, listir og aðrar skapandi greinar. Niðurstaðan sé því sú að stefnumál ríkisstjórnarinnar og málefni X Hugvits falli vel að hvort öðru og bjóði upp á mikil tækifæri.
Hér er hægt að nálgast yfirlit yfir verkefnið.Málefni X Hugvits :
- Að hvetja til nýsköpunar í öllum greinum
- Að börnin okkar fái forskot af því að þau ólust upp í íslensku menntakerfi
- Að búa í útflutningsdrifnu samfélagi og skapa sín eigin verðmæti
- Að hafa greiðan aðgang að sérfræðiþekkingu erlendra aðila
- Betra heilbrigðiskerfi með íslenskum tæknilausnum
- Samfélag þar sem skapandi greinar blómstra
- Vel tengt Ísland
- Fyrirmyndar viðskiptaumhverfi