Útgáfa á nýjum viðmiðum við gerð kostnaðaráætlana
Félag ráðgjafarverkfræðinga, Mannvirki - félag verktaka og Samtök arkitektastofa með stuðningi Framfararsjóðs Samtaka iðnaðarins hafa stigið stórt skref með útgáfu á nýjum viðmiðum við gerð kostnaðaráætlana verklegra framkvæmda í mannvirkjagerð á Íslandi.
Nýr vefur, kostnadur.is, þar sem hægt er að nálgast gögnin var opnaður með formlegum hætti á Vox Club á Hilton Reykjavík Nordica síðastliðinn fimmtudag. Þar komu fram Halldór Eiríksson, arkitekt hjá T.ark og formaður Samtaka arkitektastofa, Ólafur Ágúst Ingason, sviðsstjóri hjá Eflu verkfræðistofu, Guðrún Ingvarsdóttir, forstjóri Framkvæmdasýslunnar – Ríkiseigna, og Sigurður Hannesson, framkvæmdastjóri SI. Björg Ásta Þórðardóttir, sviðsstjóri mannvirkjasviðs SI, stýrði dagskránni.
Útfærsla kostnaðaráætlana hefur hingað til ekki verið samræmd hér á landi þar sem hver hagaðili á markaðnum hefur komið sér upp sínu eigin verklagi við gerð og greiningu kostnaðaráætlana. Með útgáfu þessarar nýju aðferðarfræði er því stigið framfaraskref í að samræma gerð kostnaðaráætlana til að tryggja sama skilning og aðferðir við gerð þeirra, auk þess að tryggja aukinn rekjanleika kostnaðaráætlana við framúrkeyrslu verklegra framkvæmda. Útgáfan er ætluð verktökum, ráðgjöfum, verkfræðingum, hönnuðum og ekki síst verkkaupum, hvort heldur eru opinberir verkkaupar eða verkkaupar á almennum markaði.
Markmiðin með útgáfunni:
Skapa sameiginlegan skilning á markaðnum, hugtökum og orðskýringum
Búa til viðmið til að meta hversu vel umfang verkefnis er skilgreint
Auka rekjanleika á framúrkeyrslu
Myndir/BIG
Á Facebook SI er hægt að nálgast fleiri myndir frá viðburðinum.
Á myndinni eru, talið frá vinstri, Sigþór Sigurðsson,
framkvæmdastjóri Colas Ísland og formaður Mannvirkis – félags verktaka, Ólafur
Ágúst Ingason, sviðsstjóri Eflu verkfræðistofu, Guðrún Ingvarsdóttir, forstjóri
Framkvæmdasýslunnar – Ríkiseigna, Reynir Sævarsson, formaður Eflu og Félags ráðgjafarverkfræðinga, Sigurður
Hannesson, framkvæmdastjóri SI, Halldór
Eiríksson, arkitekt hjá T.ark og formaður Samtaka arkitektastofa, og Björg Ásta
Þórðardóttir, sviðsstjóri mannvirkjasviðs SI.
Halldór Eiríksson, arkitekt hjá T.ark og formaður Samtaka arkitektastofa.
Ólafur Ágúst Ingason, sviðsstjóri Eflu verkfræðistofu.
Guðrún Ingvarsdóttir, forstjóri Framkvæmdasýslunnar – Ríkiseigna.
Sigurður Hannesson, framkvæmdastjóri SI.
Björg Ásta Þórðardóttir, sviðsstjóri mannvirkjasviðs SI.
Viðskiptablaðið, 24. október 2022.