Vegagerðin kynnir brúarverkefni á leið í útboð
Vegagerðin stendur fyrir kynningarfundi um brúarverkefni þriðjudaginn 8. október í fundarsal á 1. hæð Vegagerðarinnar í Borgartúni 7 kl. 9.00-10.30. Á fundinum verða kynnt brúarverkefni sem eru á leið í útboð á næstunni. Þar má nefna verkefni á borð við Steinavötn og Fellsá, Kvíá, Botnsá, Hverfisfljót og Jökulsá á Sólheimasandi ásamt öðrum brúarverkefnum sem eru í undirbúningi.
Erindi flytja:
- Óskar Örn Jónsson, forstöðumaður framkvæmdadeildar Vegagerðarinnar
- Guðmundur Valur Guðmundsson, forstöðumaður hönnunardeildar Vegagerðarinnar
Allir eru velkomnir.