Samtök iðnaðarins hafa gefið út nýja menntastefnu samtakanna undir yfirskriftinni Mætum færni framtíðarinnar. Á fjölmennum fundi á Grand Hótel Reykjavík í dag var stefnan kynnt en með henni vilja samtökin leggja sitt af mörkum í umræðuna um menntamálin því mikilvægt er að fyrir liggi menntastefna íslensku þjóðarinnar til framtíðar þannig að mannauðurinn búi yfir færni sem stenst samanburð við það sem best gerist. Kröfur um færni eru að breytast hratt og lykilfærni starfsmanna framtíðarinnar verða aðrar en þær eru í dag.
