Menntadagur atvinnulífsins 2018 verður haldinn í Silfurbergi í Hörpu fimmtudaginn 15. febrúar kl. 8.30-12.00. Yfirskrift dagsins er Hvað verður um starfið þitt?. Dagurinn er samstarfsverkefni Samtaka iðnaðarins, Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka verslunar og þjónustu og Samtaka atvinnulífsins. Á deginum verða Menntaverðlaun atvinnulífsins veitt í 5. skiptið en Alcoa Fjarðaál og Keilir hlutu verðlaunin á síðasta ári. Hér er hægt að skrá sig.
Dagskrá
- Setning. Eyjólfur Árni Rafnsson, formaður SA.
- Ávarp mennta- og menningarmálaráðherra. Lilja Alfreðsdóttir.
- Færni er framtíðin: Hvað átt þú eftir að læra? Lilja Dögg Jónsdóttir, starfsmannastjóri Burning Glass Technologies.
- Hvað geta fyrirtæki gert? Jón Björnsson, forstjóri Festi.
- Amma, hvað er stundaskrá? Þorbjörg Helga Vigfúsdóttir, framkvæmdastjóri Kara Connect.
- Hugvekjur
- Ragnar Kjartansson, listamaður. Fida Abu Libdeh, frumkvöðull og eigandi GeoSilica Iceland. Marinó Páll Valdimarsson, teymisstjóri IoT og gervigreindar hjá Marel.
- Menntaverðlaun atvinnulífsins 2018 afhent.
- Kaffi og með því. Fræðslusjóðir og fræðsluaðilar kynna sig á Menntatorgi.
- Málstofur: A) Hvað verður um byggðirnar? B) Tæknileg áhrif. C) Framlínan - tækni, hæfni og þjónusta.
Fundarstjóri er Katrín Júlíusdóttir, framkvæmdastjóri Samtaka fjármálafyrirtækja.
