Sjávarútvegs- og landbúnaðarráðherra, Bændasamtök Íslands, Neytendasamtökin, Samtök verslunar og þjónustu og Samtök iðnaðarins undirrituðu í dag samkomulag um að gera gangskör í því að bæta merkingar á matvælum og tryggja þannig betur rétt neytenda til upplýsinga um uppruna, framleiðsluhætti, lyfjanotkun og umhverfisáhrif þeirra. Þetta kemur fram á vef Stjórnarráðsins. Undirritunin fór fram í Melabúðinni. Skipaður verður samráðshópur með fulltrúum neytenda, bænda og verslunar og er hlutverk hans að ráðast í átaksverkefni um merkingar og hvernig betur megi upplýsa neytendur og fyrirtæki um réttindi og skyldur á skýran og einfaldan hátt, í samræmi við alþjóðlegar skuldbindingar. Verkefnið er tímabundið í eitt ár og að þeim tíma liðnum verður árangurinn metinn og ákvörðun tekin um framhaldið. Á myndinni eru talið frá vinstri, Andrés Magnússon, framkvæmdastjóri SVÞ, Sindri Sigurgeirsson, formaður Bændasamtakanna, Kristján Þór Júlíusson, sjávarútvegs- og landbúnaðarráðherra, Guðrún Hafsteinsdóttir, formaður SI, og Breki Karlsson, formaður Neytendasamtakanna. Einnig sést í Friðrik Ármann Guðmundsson á bak við búðarborðið í Melabúðinni.
Bæta á merkingar á matvælum
Bæta á merkingar á matvælum
Bæta á merkingar á matvælum og tryggja þannig betur rétt neytenda til upplýsinga um uppruna, framleiðsluhætti, lyfjanotkun og umhverfisáhrif þeirra.

Tengt efni
Það er að teiknast upp mjög kaldur vetur
Rætt er við Þorstein Víglundsson, formann SI, í Kastljósinu um byggingariðnað og stöðu efnahagsmála.

Stjórn Samtaka rafverktaka heimsækir Norðurál
Framkvæmdastjóri og starfsfólk Norðuráls tóku á móti stjórn Samtaka rafverktaka fyrir skömmu.

Samspil sjávarútvegs og tækni- og hugverkaiðnaðar eykur forskot Íslands
Erla Tinna Stefánsdóttir, viðskiptastjóri tækni- og hugverkaiðnaðar hjá SI, flutti erindi um samspil sjávarútvegs og tækni- og hugverkaiðnaðar á Sjávarútvegsráðstefnunni.
