Fjölmennt var á fundi um rafbílahleðslu sem Félag löggiltra rafverktaka, Samtök rafverktaka, Mannvirkjastofnun og Samtök iðnaðarins stóðu fyrir í hádeginu í dag í húsnæði Rafmenntar í Stórhöfða 27.
Á fundinum ræddi Jóhann Ólafsson, fagstjóri rafmagnsöryggissviðs MVS, um hvað ber að hafa í huga við hleðslu rafbíla, Böðvar Tómasson, verkfræðingur, fór yfir leiðbeiningar um rafbílahleðslu, og Þórður Aðalsteinsson, sölustjóri Hleðslu, ræddi um álagsstýringu í fjölbýlishúsum. Í lok fundar voru fulltrúar Slökkviliðs höfuðborgarsvæðsins, þeir Einar Bergmann Sveinsson og Vernharð Guðnason, sem tóku á móti fyrirspurnum fundargesta.
Á mbl.is er frétt um fundinn.
