Nemendur í gull- og silfursmíði við Tækniskólann bjóða á hverri önn gullsmíðameisturum í Félagi íslenskra gullsmiða og gestum til morgunverðar og sýna um leið hvað þau eru að fást við í námi sínu. Með þessu móti vill Tækniskólinn styrkja tengsl skólans og atvinnulífsins. Á hverju ári eru 8 nemendur teknir inn á gull- og silfursmíðabrautina eftir að hafa sent inn ferilskrá og möppu sem sýnir helstu verk nemandans. Að þessu sinni var boðið til morgunverðarins mánudaginn 24. október.
Sjá myndir frá morgunverðarboðinu á Facebook síðu SI.
